विराट श्रेष्ठया च्वकिपा ब्वज्या

यल – यँयाः पुन्हिया लसताय् पिम्बहाः, यलय् कलाकार विराट श्रेष्ठया याकः ग्वसालय् वय्कलं च्वयातःगु नेपालभाषा, नेपाःया राजनीति, अन्तर्राष्ट्रिय ख्यःया व्यक्तित्व नापं नेवाः संस्कारया याकः किपा ब्वयेगु ज्या क्वचाल । निन्हु पद्मरत्न तुलाधरया वृत्तचित्र व निन्हु कथहं ‘न्हिसुतु’ व ‘पटाचारा’ संकिपा क्यनेगु व निन्हु जूगु उगु किपा ब्वज्या अप्वः स्वकुमितय्सं ययेकूगु खनेदु ।

थनिं झिंन्यादँ न्ह्यःनिसें इलय्ब्यलय् थम्हं च्वया तःगु किपा ब्वज्याय् लिपा मेमेपिं हनेबहःपिनिगु किपा च्वया वनेगु बिचाः दुगु खँ कलाकार विराट श्रेष्ठं धयादिल । उगु ब्वज्याय् मुक्कं ७० पाः किपा ब्वयातःगु दु ।