सार्वजनिक सवारी साधनय् अप्वः ध्यबा काइगु ‘ट्राफिकं उजुरी बिउपिंत हे हतोत्साहित याइगु’

येँ – सार्वजनिक यातायात सरकारं क्वःछिनातःगु स्वयां अप्वः ध्यबा काल धाःसा न्याद्वःतका तक जरिवाना काइगु जूगु दु । यातायात व्यवस्था विभागं तोके यानातयागु स्वयां अप्वः ध्यबा काल धाःसा सवारी साधनया नम्बरसहित टेलिफोनपाखें जानकारी बीत इनाप याःगु दु । विभागं वंगु असोज ७ गते सार्वजनिक सवारी साधनय् १० प्रतिशत भाः अप्वयेकूगु खः ।

सवारी साधनया भाडाय् दकलय् म्हो १४ तका निसें दकलय् अप्वः २७ तका तक निर्धारण याःगु खः । विभागया प्रवक्ता गोकर्णप्रसाद उपाध्यायं अनुगमन यानाः तोके यानातःगु भाडा स्वयां अप्वः काल धाःसा कारवाही यायेगु खँ धयादीगु दु । वय्कलं धयादीगु दु, ‘अनुगमनया निंतिं नेपाल यातायात व्यवसायी राष्ट्रिय महासंघ व उपभोक्तावादी संघ संस्थाया प्रतिनिधि दुगु अनुगमन पुचः परिचालन यायेगु जुइ ।’

यातायात व्यवस्था विभागं
थथे उजुरी बीत इनाप याःसां उजुरी बिउपिंसं धाःसा ट्राफिक प्रहरीं हे उजुरी बिउपिंत हतोत्साहित यानाच्वंगु दु । ट्राफिकया १०३ नं.य् उजुरी याःम्ह गिरेन्द्र प्रसाद शर्मां ट्राफिकं हे थःत हतोत्साहित याःगु खँ कनादिल ।

तोके यानातःगु भाडा स्वयां छतका जक अप्वः काल धाःसा न्याद्वः तका जरिवाना पुइकेगु खँ विभागं धाःगु दु । मेखे उपभोक्तावादीतय्सं धाःसा सरकारया थ्व अनुगमन किसिया क्यनेगु वा थें जक जुइगु खँ धाःगु दु । सार्वजनिक यातायात सुधारय् लगे जुयाच्वनादीम्ह रामबहादुर थापां धयादीगु दु, ‘विभागया कर्मचारी यातायात व्यवसायीतय् प्रभावय् लानाः भाडा अप्वयेकेत जक लगे जुइ, सवारी तथा यातायात व्यवस्था ऐन व नियमावलीया प्रावधान कथं टिकट बीकेगु ज्या कार्यान्वयन यायेत ध्यान बी मखु ।

विभागं यात्रु स्वयां व्यवसायीया पक्षय् ज्या याइ । परिचालकयात अनुमति पत्र व परिचयपत्र बीगु पाखे तकं विभागं ध्यान बीफुगु मदुनि ।’
विभागया प्रवक्ता उपाध्यायं धाःसा टिकट मबिल धाःसां नं सवारीसाधनया नं. सहित विभागय् फ्याक्स, फोन व इमेलपाखें उजुरी बीफइगु खँ धयादीगु दु ।

अथेहे प्रधानमन्त्री तथा मन्त्रिपरिषद्या ज्याकूया हेलो सरकार कक्षया टोलफ्रि नम्बरय्, ७७ गुलिं जिल्ला प्रशासन कार्यालय, नापसं लाःगु प्रहरी कार्यालय वा ट्राफिक प्रहरी कार्यालयय् उजुरी यायेफइगु खँ धाःगु दु । विभागं थथे उजुरी बीत इनाप याःसां उजुरी बिउपिंसं धाःसा ट्राफिक प्रहरीं हे उजुरी बिउपिंत हतोत्साहित यानाच्वंगु दु ।

ट्राफिकया १०३ नं.य् उजुरी याःम्ह गिरेन्द्र प्रसाद शर्मां ट्राफिकं हे थःत हतोत्साहित याःगु खँ कनादिल । सोमवाः नेपाल मेडिकल कलेजं गौशाला जुयाः पुलांगु बसपार्क तक वःबलय् बा १ ज ५७६२ नम्बरया माइक्रो बसं अप्वः ध्यबा काल धकाः उजुरी याःबलय् फोन ल्ह्वंम्ह विशाल खत्री धाःम्हेसिनं कडा सलं खँ ल्हानाः उजुरी बीत हतोत्साहित याःगु खँ वय्कलं कनादिल । यात्रुतय् गुनासो सम्बोधन यायेगु निंतिं विभागं सरकोर दुगु निकायया संलग्नताय् १२ गू अनुगमन पुचः व उपत्यकाया थीथी थासय् १३ गू नागरिक सहायता कक्षा नं नीस्वनातःगु दु ।

 

सम्बन्धित बुखँ

LEAVE YOUR COMMENTS