अमेरिकी अदालतय् नेवाः भाय्

येँ – अमेरिकाया छगू अदालतं भाय् मसःपिं मनूतय्त नेवाः भासं हे अदालतय् बयान बी दइगु अधिकार प्रदान याःगु दु । अनया ओरेगन राज्यया अदालतं थ्व अधिकार बिउगु खः ।

थ्वहे वंगु सेप्टेम्बर ११ निसें १८ तक जूगु ओरेगन राज्यया व्यबसायिक दोभासेतय्गु सम्मेलनय् ताः ई न्ह्यवंनिसें ओरेगन राज्यय् च्वनादीम्ह भाषाविद् दयारत्न शाक्यया पहलय् ओरेगन राज्यय् च्वनाच्वंपिं नेवाःतय्त अदालती समस्या वल धाःसा नेवाःतय्गु थःगु हे भाय् दुगुलिं उमिसं नेवाः भाय् हे छ्यले दयेमाः धकाः तयादीगु मागयात सकारात्मक रुपं कासें थ्व अधिकार बीगु ज्या जूगु खः ।

थ्व अधिकार लिपा अन आवंलि नेवाः भाय् छ्यलाः अदालतय् थःगु खँ कने दइगु जूगु दु । आः अदालतय् न्यायाधीशया न्ह्यःने थःत परे जूगु खँ थःगु हे भासं कने दइगु संवैधानिक अधिकार पालना यानाः नेवाः भासं बयान बी दइगु जूगु दु । नेवाःतय् लागिं थ्व छगू उपलब्धी खः धासें भाजु शाक्यं ओरेगन राज्यं बिउगु थ्व स्वीकृतियात आः अमेरिकाया मेमेगु राज्यय् नं थ्यंकेगु लागिं पहल यायेगु खँ नं कनादिल ।

सम्बन्धित बुखँ

LEAVE YOUR COMMENTS