मिननाथ आदर्श शिक्षा सदनया विद्यार्थी मुना

यल – श्री मिननाथ आदर्श शिक्षा सदन आधारभूत विद्यालयया पुलांपिं विद्यार्थीतय् मुना जूगु दु । यल महानगरपालिका वडा नं. १२ य् च्वंगु उगु विद्यालयया निक्वःगु पुलांपिं विद्यार्थीतय् मुना जूगु खः । पूर्व विद्यार्थी भेला आयोजक समितिया संयोजक कविन्द्रराज ताम्रकारया सभापतित्वय् जूगु ज्याझ्वलय् मूपाहांकथं यल महानगरपालिकाया उपप्रमुख गिता सत्याल झायादीगु खः ।

ज्याझ्वलय् नवासें मूपाहां सत्यालं सरकारी स्कुल जूसां नं विद्यालयं बिया वयाच्वंगु शिक्षाया स्तर च्वछायेबहजूगु विचाः प्वंकादिसें पुलांपिं विद्यार्थीतय्सं नं स्कुलप्रति क्यंगु लगावयात कयाः च्वछायादिल ।वइगु दिनय् दक्वं सरकारी स्कुलत नगरपालिका अन्तर्गत संचालन जुइगु जूगुलिं स्थानीय सहभागिता व पुलांपिं विद्यार्थीतय्गु तकं सहभागिताय् गुणस्तरीय शिक्षा प्रदान यायेत नगरपालिका न्ह्यचिलेगु जुइ धासें विद्यालयया भौतिक पूर्वाधार निर्माणया निंतिं नं आवश्यक ग्वाहालि चूलाका बीगु बचं बियादिल ।

ज्याझ्वलय् ललितपुर उद्योग वाणिज्य संघया अध्यक्ष कृष्णलाल महर्जन, पुलांम्ह अध्यक्ष अजरमान जोशी, यल मनपा वडा नं. २०या वडाअध्यक्ष नारायणलाल अवाले, विद्यालय व्यवस्थापन समितिया अध्यक्ष कल्याणकृष्ण ताम्रकारपिंसं नं थःथःगु नुगःखँ तयादीगु खः । उगु इलय् ज्याझ्वःया मूपाहांपाखें आर्थिक व भौतिक ग्वाहालि यानादीपिं विद्यालयया पुलांपिं विद्यार्थी, शिक्षक नापं थीथी संघसंस्थायात कदरपत्र लःल्हानाः सम्मन यानादीगु खः । ज्याझ्वलय् विद्यालयया पुलांपिं व अध्ययनरत विद्यार्थीपिंस सांगीतिक प्रस्तुति न्ह्यब्वयादीगु खः ।

सम्बन्धित बुखँ

LEAVE YOUR COMMENTS