आः सरकारी स्कूल सफू नं रंगीन

येँ – आः सरकारी स्कूलय् ब्वंकीगु सफू नं रंगीन हे यानाः छापे याकेगु तयारी सुरु जूगु खँ सीदुगु दु । थौंकन्हय् १ व २ तगिंया सफू जक रंगीन जुयाच्वंगुली आः १ निसें ५ तगिं तकया सफू रंगीन यायेत्यंगु खः । थ्व तगिमय् ब्वनीगु फुक्कं सफू मखुसें अंग्रेजी, नेपाली, गणित, विज्ञान व सामाजिक शिक्षा यानाः मुक्कं न्यागू विषयया सफू रंगीन यायेत्यंगु खः ।थुकिया लागिं सरकारं सफू छपाईया लागिं जक थप २५ करोड दां खर्च यायेत्यंगु दु ।

आः वइगु शैक्षिक सत्रंनिसें हे थ्व सफू ल्हातय् लाकेगु ताः तयाः छगू स्वयां अप्वः प्रकाशन गृहतय्त जिम्मा बियातःगु खँ नं सीदुगु दु । थ्वहे वैशाख १ गते सफू छापे याये सिधयेकीगु ग्वसाः दु। मेखे सम्बद्ध शिक्षकतय्सं धाःसा रंगीन जुयाः छापे जुया वःगु सरकारी स्कूलया सफू स्तरहिन जूगु द्वपं बिया हःगु दु । सरकारी सफू रंगीन खः ला खः जक जुयाच्वंगु वय्कःपिनि दावी दु । रंगीन छापे याना हःगु सफू गुलिं मसि लतपत जुयाच्वंगु, गुलिं रंग थासय् मलाःगु उमिगु द्वपं दु । मसि थासय् मलाःगु कारणं सफुली छापे जुयाच्वंगु चित्र हे मेमेगु थें जुयाच्वंगुलिं उकिया आधारय् मस्तय्त थुइकेत समेत थाकुयाच्वंगु खँ नं शिक्षकतय्सं धाःगु दु ।

सम्बन्धित बुखँ

LEAVE YOUR COMMENTS