माथिल्लो अरुण आयोजना विद्युत प्राधिकरणयात

येँ – माथिल्लो अरुण जलविद्युत आयोजना दयेकेगु लँपु चाःगु दु । शुक्रवाः मन्त्रिपरिषदाया बैठकं नेपाल विद्युत प्राधिकरणया सहायक कम्पनी अरुण हाइड्रो इलेक्ट्रिक कम्पनीयात माथिल्लो अरुण दयेके बीगु निर्णय याःगु खः ।थ्व स्वयां न्ह्यः डा. बाबुराम भट्टराई प्रधानमन्त्री जुयाच्वंगु इलय् थुगु आयोजना नेपाल विद्युत प्राधिकरणयात बीगु निर्णय जूगु खः ।

तर कम्पनी मोडलय् वनेमजिउगु निर्णय जूगुलिं आयोजना दयेकेगु मोडालिटीइ अन्यौल ब्वलंगु खः । उगु हे इलय् आयोजना थःगु ल्हातिइ लाकेत थीथी चलखेल नं जूगु ख । तर ऊर्जामन्त्री वर्षमान पुनया विशेष कुतलं वंगु शुक्रवाःया निर्णयं आयोजना विद्युत प्राधिकरणया सहायक कम्पनीयात बिउगु खः ।

विद्युत प्राधिकरणया कथं थ्व आयोजना आः तक दकलय् दंगु व बांलाःगु आयोजना खः । प्राधिकरणया कथं आयोजनां उत्पादन जुइगु मत प्रतिय्ुनिट २.१० तका तुइगु खँ धाःगु दु । अझ क्षमता अप्वयेकाः दयेकेगु खःसा व स्वयां नं म्हो जुइगु अनुमान यानातःगु दु ।

नेपाल विद्युत प्राधिकरणं सरकारया निर्णय सकारात्मक जूगु धासें मत उत्पादनया ल्याखं दकलय् बांलाःगु आयोजना जूगुलिं थुकिं जनता लगानी सुनिश्चित जुइगु विश्वास प्वंकूगु दु । आयोजनया डीपीआर व वातावरणीय प्रभाव मुल्यांकन (ईआईए) यायेगु ज्या न्ह्यानाच्वंगु दु । लिसें आयोजना दुगु थासय् थ्यंकेगु निंतिं २४ किलोमिटर सतक दयेकेगु ज्या नं न्ह्यानाच्वंगु खँ नेपाल विद्युत प्राधिकरणया कार्यकारी निर्देशक कुलमान घिसिङं कनादीगु दु ।

आयोजना दयेकेत १ खर्ब १५ अर्ब तका लागत तुइगु अनुमान यानातःगु दु । आयोजना पाखें ५०० मेगावाट मत उत्पादन जुइगु खँ धाःगु दु ।
विद्युत प्राधिकरणया कथं थ्व आयोजना आः तक दकलय् दंगु व बांलाःगु आयोजना खः । प्राधिकरणया कथं आयोजनां उत्पादन जुइगु मत प्रतिय्ुनिट २.१० तका तुइगु खँ धाःगु दु ।

अझ क्षमता अप्वयेकाः दयेकेगु खःसा व स्वयां नं म्हो जुइगु अनुमान यानातःगु दु । आयोजना दयेकेत कम्पनीइ प्राधिकरणया ५१ प्रतिशत व सर्वसाधारणया ४९ प्रतिशत शेयर दइगु खँ धाःगु दु । आयोजना दयेकेगु ज्या न्ह्याःगु न्यादँया दुने क्वचाइगु खँ नं निर्देशक घिसिङं कनादीगु दु ।

सम्बन्धित बुखँ

LEAVE YOUR COMMENTS