मेसी उत्कृष्ट कासामिया धलखय् मलात

विश्व फुटबल महासंघ फिफां दँय्दसं बिया वयाच्वगुं उत्कृष्ट वर्ष कासामि अवार्डया निंतिं अन्तिम स्वम्ह कासामिया नां सार्वजनिक याःगु दु । शीर्ष स्वम्ह कासामिइ क्रिस्टियानो रोनाल्डो, लुका मोड्रिक व मोहम्मद सलाह लाःगु दु । सन् २००६ निसें लगातार फिफा वर्ष कासामि धलखय् शीर्ष स्वम्हय् लाना वयाच्वंम्ह लियोनेल मेसी धाःसा १२ दँ लिपा पिने लाःवंगु दु ।

मेसी न्याक्वः तक उत्कृष्ट कासामि जुइधुंकूम्ह खः । अथेहे थ्व पालय् नं शीर्ष स्वम्हय् लाःम्ह क्रिस्टियानो रोनाल्डो नं न्याकः फिफा बर्ष कासामि जुइधुंकूम्ह खः । रोनाल्डो सन् २००७ निसें झ्वःलाक्क शीर्ष स्वंम्ह कासामिइ दुथ्याना वयाच्वंगु दु लुका मोड्रिक व मोहम्मद सलाह न्हापांखुसी फिफा बर्ष कासामिया शीर्ष स्वम्हय् लाःगु खः ।

मोड्रिकं वंगु वालय् तिनि युइएफए वर्ष कासामि अवार्ड त्याकूगु खः । मोड्रिकं युइएफएया उपाधी नं रोनाल्डो व सलाहयात लिउने लाकाः हे त्याकूगु खः । वंगु विश्वकपय् क्रोएसियायात फाइनल तक थ्यंकेगु निंतिं मोड्रिकं उत्कृष्ट कासा न्ह्यब्वःगु खः । इजिप्टया सलाह प्रिमियरलिगय् लिभरपुलपाखें उत्कृष्ट कासा न्ह्यब्वःम्ह खः ।

सम्बन्धित बुखँ

LEAVE YOUR COMMENTS