किड क्वीन नेपालया उपाधि यचुश्री श्रेष्ठयात

येँ – किड क्वीन नेपाल–२०१८ या उपाधि यचुश्री श्रेष्ठं त्याकेत सफल जूगु दु । झिंखुक्वःगु संस्करणया थुगु कासाय् यचुश्रीं फाइनल कासाय् झिंन्याम्ह प्रतिस्पर्धीयात लिउने लाकाः उपाधि त्याकूगु खः । उपाधि त्याकेत सफल यचुश्री झिद्वः तका दांलिसें मेगु आपालं सिरपाः ल्हातय् लाकूगु दु ।अथे हे कासाय् लूमिला जोशी फस्ट रनरअप जूगु दुसा स्वेना श्रेष्ठ सेकेन्ड रनरअप जुल ।

कासाय् अपेक्षा शेरचन (मिस फ्रेन्डशीप व मिस सोसल वेलफेयर), वृक्षा गुरुङ (मिस चार्मिङ), जेनिशा तामांग (मिस स्माइल) ओजस्वी महर्जन–बेस्ट स्कीन), दिया नापित (बेस्ट हेयर), समृद्धि श्रेष्ठ (मिस पंचुअल), प्रिया श्रेष्ठ (मि इलिगेन्ट), नसाना महर्जन (मिस फोटोजेनिक), डोल्मा छिरिङ गुरुङ (मिस पर्सनालिटी), एञ्जेल खत्री (मिस डिसिप्लेन), यचुश्री श्रेष्ठ (बेस्ट ड्रेस), इशा श्रेष्ठ (मिस ट्यालेन्ट), अनुभूति गिरी (मिस सोसल वेलफेयर) उपाधि त्याकेत सफल जुल ।

९ निसें १४ दँ दुपिं मिसापिनिगु सहभागिता दुगु कासाया फाइनलय् खुम्हेसिया दथुइ प्रतिस्पर्धा जूगु खः ।