धर्मोदयय् न्हूगु ज्यासना पुचः

येँ(नेपालभाषा टाइम्स)- धर्मोदय सभाया ७७ क्वःगु साधारण सभाया ७७ क्वःगु साधारण सभां न्हूगु ज्यासना पुचः ल्यःगु दु । धर्मोदयया विधानय् जुयाच्वंगु व्यवस्थाकथं अध्यक्ष पदय् लिपा मनोनयन या इगु जूगु दुसा उपाध्यक्षनिसें कार्यकारिणी सदस्य पदय् धाःसा निर्वाचन जूगु खः ।

धर्मोदयया न्हूगु ज्यासना पुचःया उपाध्यक्षय् इन्द्रबहादुर गुरुङ, पद्मज्योति, सुचित्रमान शाक्य, त्रिरत्न तुलाधर, डा. केशवमान शाक्य, नरबहादुर गुरुङ व मय्जु पे्रमहिरा तुलाधर निर्वाचित जुयादीगु दु ।

थुकथं हे निर्वाचनपाखें सचिवय् अशोकनन्द वज्राचार्य, सहकोषाध्यक्षय् सिद्धिदास साय्मि निर्वाचित जुयादीगु दुसा महासचिवय् सागरमान वज्राचार्य, सहसचिव कृष्णकुमार प्रजापति निर्विरोध निर्वाचित जुयादीगु दु ।

अथे हे कार्यसमितिया दुजःपिं नं सकलें निर्विरोध जुयादीगु खः । कार्यसमिति दुजलय् निर्मला कंसाकार, मुनिन्द्ररत्न वज्राचार्य, गमप्रसाद गुरुङ्ग, अरुणकुमार वज्राचार्यm चुडादेवसिंह लामा, शान्तरत्न वज्राचार्य व अच्युतानन्द वज्राार्य निर्विरोध जुयादीगु खः ।

प्रदेशगत सदस्यय् रघुवर चौधरी (प्रदेश १), महेशकुमार चौधरी (मधेश) हिराबहादुर तामाङ (बागमति) चन्द्रकुमारी गुरुङ (गण्डकी), संजिव लामा तामाङ (लुम्बिनी) व गौरव गुरुङ (सुदूरपश्चिम) निर्विरोध जुयादीगु दुसा कार्यसमितिया मुँजयां निम्ह दुजःपिं लिपा मनोनित याइ ।
धर्मोदय सभाया अध्यक्षयय् थेरवाद, महायान व वज्रयानपाखें पालंपाः छम्ह छम्ह अध्यक्ष जुइगु व्यवस्था दु । धर्मोदयया ७७ क्वःगु साधारण सभा वंगु शनिवाः जूगु खः ।

सम्बन्धित बुखँ

LEAVE YOUR COMMENTS