संविधान संशोधन मजूसा सरकार त्वःतीगु
येँ – समाजवादी पार्टीया अध्यक्ष लिसें उपप्रधानमन्त्री उपेन्द्र यादवं संविधान संशोधन मजुल धाःसा थःगु पार्टी गुगु नं इलय् सतक संघर्षय् वने फइगु खँ धयादीगु दु । संघीय समाजवादी फोरम नेपाल व नयाँ शक्ति पार्टी दथुइ एकता जुइधुंकाः पोखराय् जूगु पार्टीया न्हापांगु प्रादेशिक अभिमुखीकरण ज्याझ्वलय् न्ववायेगु झ्वलय् वय्कलं उगु खँ धयादीगु खः ।
थःपिं सरकारय् वनागु इलय् दुई तिहाइ नं खाइगु व संविधान संशोधनया लँपु नं चाइगु जुयाः सरकारय् वनागु खः धासें वय्कलं सहमति पूमव धाःसा आन्दोलनय् वनेगु बाहेकमेगु लँपु मदइगु ख्याच्वः नं बियादिल । नेता यादवं संविधान संशोधन यानाः त्रुटि भिंकेत मस्वल धाःसा आन्दोलनया विकल्प मदुगु धासें कार्यकर्तायात उकिया निंतिं तयार जुयाच्वनेत नं आह्वान यानादिल ।
आःया विकृतिपूर्ण संविधानयात संशोधनपाखें भिंकेगु धकाः सहमति जूगु खँ कँसें वय्कलं उकिया हे आधारय् थव्पिं सरकारय् वनागु खः धयादिल ।
डा. बाबुराम भट्टराईया नयाँ शक्तिलिसे पार्टी एकता जुइवं डा. भट्टराईं सरकार त्वःति धकाः यादवयात धाःगु खःसां वय्कलं संविधान संशोधनया लागिं सरकारय् वनागु खः, संशोधन मयाःसा त्वःतेगु जुइ धकाः लिसः बिउगु खँ धाःगु दु ।
येँ (नेपालभाषा टाइम्स)÷समाजवादी पार्टीया अध्यक्ष लिसें उपप्रधानमन्त्री उपेन्द्र यादवं संविधान संशोधन मजुल धाःसा थःगु पार्टी गुगु नं इलय् सतक संघर्षय् वने फइगु खँ धयादीगु दु ।
संघीय समाजवादी फोरम नेपाल व नयाँ शक्ति पार्टी दथुइ एकता जुइधुंकाः पोखराय् जूगु पार्टीया न्हापांगु प्रादेशिक अभिमुखीकरण ज्याझ्वलय् न्ववायेगु झ्वलय् वय्कलं उगु खँ धयादीगु खः ।
थःपिं सरकारय् वनागु इलय् दुई तिहाइ नं खाइगु व संविधान संशोधनया लँपु नं चाइगु जुयाः सरकारय् वनागु खः धासें वय्कलं सहमति पूमव धाःसा आन्दोलनय् वनेगु बाहेकमेगु लँपु मदइगु ख्याच्वः नं बियादिल । नेता यादवं संविधान संशोधन यानाः त्रुटि भिंकेत मस्वल धाःसा आन्दोलनया विकल्प मदुगु धासें कार्यकर्तायात उकिया निंतिं तयार जुयाच्वनेत नं आह्वान यानादिल ।
आःया विकृतिपूर्ण संविधानयात संशोधनपाखें भिंकेगु धकाः सहमति जूगु खँ कँसें वय्कलं उकिया हे आधारय् थव्पिं सरकारय् वनागु खः धयादिल ।
डा. बाबुराम भट्टराईया नयाँ शक्तिलिसे पार्टी एकता जुइवं डा. भट्टराईं सरकार त्वःति धकाः यादवयात धाःगु खःसां वय्कलं संविधान संशोधनया लागिं सरकारय् वनागु खः, संशोधन मयाःसा त्वःतेगु जुइ धकाः लिसः बिउगु खँ धाःगु दु ।
LEAVE YOUR COMMENTS