दबू छेँ दयेकेत वृहत भेलाया प्रस्ताव
येँ – नेवाः न्ह्यलुवाः पद्मरत्न तुलाधरं नेपालभाषा मंकाः खलकं दयेकेगु धयातःगु दबू छेँ दयेकेगु निंतिं छगू वृहत भेला यायेत प्रस्ताव तयादीगु दु । वय्कःया ज्याःजंक्वया झ्वलय् क्यनेत्यंगु ख्यालःया नासः पुजा ज्याझ्वलय् न्ववानादिसें भाजु तुलाधरं थःगु जंक्व धुंकाः छगू वृहत भेला यानाः मंकाः दबू छेँ दयेकेगु बारे सहलह यायेगु प्रस्ताव तयादीगु खः ।
ज्याझ्वलय् न्ववानादिसें जनकवि दुर्गालाल श्रेष्ठं थःपिनिगुपाखें छुं गल्ती जूवंगु दुसा क्षमा याना बीत इनाप यासें आः पुलांगु फुक्क खँ ल्वःमंकाः दबू छँे दयेकेत न्ह्यचिलेमाःगु खँ धयादीगु खः । नेवाः आन्दोलनय् पद्मरत्नया योगदानयात सुनां नं ल्वःमंके फइ मखु धयादिसें वय्कलं भाजु तुलाधरया नेतृत्वय् याये ल्यं दनिगु कथं ल्यनाच्वंगु दबू छेँ दनेगु बारे चिउताः प्वंकादीगु खः
जनकवि श्रेष्ठया चिउताःयात कयाः न्ववानादिसें भाजु तुलाधरं थःगु ज्याःजंक्वया ज्याझ्वः सिधयेकाः निसः स्वसः मनूतय् वृहत् भेला तयाः दबू छँे दयेकेगु बारे सहलह यायेगु प्रस्ताव तयादीगु खः ।ज्याझ्वलय् भाजु तुलाधरया ज्याःजंक्वया निंतिं जुयाच्वंगु थीथी ज्याझ्वःया बारे जानकारी बिउगु खः ।
वय्कःया ज्याःजंक्वया झ्वलय् वइगु भदौ ३० गते शनिवाः राष्ट्रिय सभागृहय् नागरिक अभिनन्दन याइगु ज्याझ्वः दु । थ्व झ्वलय् वय्कःयात वय्कःया छेँ लाजिम्पातंनिसें थीथी बाजं, साँस्कृतिक झाँकीसहित देय् चाःहिकाः राष्ट्रिय सभागृहय् हइ । थ्वयां छन्हु न्ह्यः भदौ २९ गते नेपाः ब्यांक्वेटय् थीथी खलःपुचःपिंसं अभिनन्दन याइगु ज्याझ्वः दु ।
LEAVE YOUR COMMENTS