न्वचु व वक्तृत्वकला तालिमया प्रशिक्षार्थीतय्त दसिपौ लःल्हात

येँ – हाम्रो महिला उत्थान समूहया ग्वसालय् बाःछियंकं जूगु न्वचु व वक्तृत्वकला तालिम क्वचाल । थनया भक्त विद्याश्रमय् जूगु तालिम समापन ज्याझ्वलय् प्रशिक्षार्थीतय्त दसिपौ लःल्हाःगु खः ।

समूहया नायः चिनु श्रेष्ठया सभापतित्वय् जूगु ज्याझ्वलय् मूपाहांकथं झायादीम्ह समाजसेवी शशी प्रधानं सुकुन्दाय् मत च्याकाः ज्याझ्वःया उलेज्या यानादीगु खः । समूहया न्वकु कमला नर्सिहं लसकुस यानादीगु ज्याझ्वलय् तालिम संयोजक जमोत्री श्रेष्ठ, तालिम प्रशिक्षक अनुपा श्रेष्ठ, प्रशिक्षार्थीपिं निपुणमान श्रेष्ठ, पद्मिनी वज्राचार्य, सविना शाक्यं तालिमया थीथी पक्ष नापं थःगु अनुभव कनादीगु खःसा प्रशिक्षार्थीपिं रिबा महर्जन व रामकृष्ण कपाली व रोहन महर्जनं सांस्कृतिक ज्याझ्वः न्ह्यब्वयादीगु खः ।

ज्याझ्वलय् पाहांकथं झायादीपिं विद्यालयया प्रधानाध्यापक सुदर्शन कट्टेल, डा. शारदा सिंहं नं थःथःगु नुगःखँ तयादीगु खःसा प्रशिक्षक श्रेष्ठयात संस्थापाखें व प्रशिक्षार्थीतय्पाखें मतिनाया चिं लःल्हाःगु खः ।

सम्बन्धित बुखँ

LEAVE YOUR COMMENTS