येँय् नेवाः उम्मेदवारत म्हो

येँ (नेपालभाषा टाइम्स)- येँय् थीथी पार्टीपाखें थंपिं उम्मेदवारतय् धलखय् स्थानीय नेवाःतय् ल्याः धाःसा म्हो जक दु । येँया झिगू क्षेत्रय् एमालें निम्ह जक नेवाः थंगु दुसा गठबन्धनं स्वम्ह जक थंगु दु । बरु नेवाः अभियन्ताकथं येँ–७ य् यादवलाल कायस्थ व रविन्द्रकुमार श्रेष्ठं उम्मेदवारी दर्ता याःगु दु ।

सुमन साय्मिं हाम्रो नेपाली पार्टीया तुतां चिं कयाः येँ–८ पाखें उम्मेदवारी दर्ता याःगु दुसा थ्वहे पुचःपाखें शैलेश शाक्य बरेजु येँ–९ (क), राजाराम तण्डुकार यल–३, शैलेन्द्रमान वज्राचार्य येँ– ८ (क), सुरेशकुमार डंगोल येँ–८ (ख) पाखें दनाच्वंगु दु । अथे हे सुदय शिलाकार राष्ट्रिय जनमुक्ति पार्टीपाखें व रविन्द्र श्रेष्ठ माओवादीपाखें दनाच्वंगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु