ने. सं. ११४४ ञलागा पारू -

पद्मावतीं थुगुसी याःगु गतिविधि

पद्मावती बचत तथा ऋण सहकारी संस्थां थुगुसी थःपिनि नीन्यादँ बुदिंया लसताय् थीथी गतिविधि याःगु दु । उकी मध्ये वंगु चैत १, २ व ३ गते आशोक पार्टी पालेसय् हस्तकला प्रदर्शनी, जेष्ठ नागरिक सम्मान व राष्ट्रिय सहकारी गोष्ठी व थीथी सांस्कृतिक ज्याझ्वः छगू महत्वं जाःगु ज्या जूगु दु ।

पद्मावती बचत तथा ऋण सहकारी संस्थां थुगुसी थःपिनि नीन्यादँ बुदिंया लसताय् थीथी गतिविधि याःगु दु । उकी मध्ये वंगु चैत १, २ व ३ गते अशोक पार्टी पालेसय् याःगु हस्तकला प्रदर्शनी, जेष्ठ नागरिक सम्मान, राष्ट्रिय सहकारी गोष्ठी व थीथी सांस्कृतिक ज्याझ्वः छगू महत्वं जाःगु ज्या जूगु दु ।

थज्याःगु थीथी कथंया गतिविधि यायेगु धकाः न्हापां फागुन महिनाया २५ गतेकुन्हु संस्थाया भवनय् छगू पत्रकार सम्मेलन यासें जानकारी बिउगु खः । थःपिनि आन्तरिक बैठक च्वनाः थुगु ज्या न्ह्याकूगु कारणं पद्मावतीया उगु रजत महोत्सवया उपलक्ष्यय् जूगु ज्याझ्वः तसकं प्रभावकारी खनेदत ।

ख्वीछक्वःगु राष्ट्रिय सहकारी दिवसया झ्वलय् सहकारी संस्थातय्गु नसंचा उलेगु ज्याझ्वलय् पद्मावती बचत ब्यानर सहित चाःहिउगु खः । पद्मावती साकोसया अर्धवार्षिक समारोह कथं सल्लाहकार सभा चैत ३० गते तःजिक च्वन । संस्थाया अध्यक्ष नेमबीर शाक्यया अध्यक्षताय् च्वंगु उगु बैठकं ब्वनातःपिं थीथी साकोसया दुजःपिं दुथ्याःगु खः ।

थुगुसी यलया प्यम्ह भैलःद्यः मध्ये लुभु भैरवय् गुह्य पुजा जुल । गुरु दिपक बज्राचार्यपाखें सदस्यतनापं लोक शान्ति कामनार्थ गुह्य पुजा यानाः प्रसाद ग्रहण यात ।

नापं उपसमितिया ग्वसालय् धार्मिक तीर्थस्थल भ्रमण नं जुल । थुगुसी यलया प्यम्ह भैलःद्यः मध्ये लुभु भैरवय् गुह्य पुजा जुल । गुरु दिपक बज्राचार्यपाखें सदस्यतनापं लोक शान्ति कामनार्थ गुह्य पुजा यानाः प्रसाद ग्रहण यात । पद्मावती बचत नीन्यादँ क्यंगु व पद्मावती स्वास्थ्य केन्द्र नीगुदँ क्यंगु लसताय् यलया मंगलबजारय् च्वंगु आदर्श कन्या निकेतन माविइ बैशाख २२ गते जूगु बृहत स्वास्थ्य शिविरय् द्वःछिं मल्याक मनूतय्गु स्वास्थ्य जाँच जुल ।

अन जनरल, स्त्री, न्हाय्, न्हाय्पं, मिखा, मचा ल्वय्, छ्यंगू, वा सम्बन्धी ल्वय् समेत यानाः न्हय्गू ल्वय्या १,१७० म्ह विरामीयात वासः याकूगु खः । झिंच्याम्ह चिकित्सकतय्पाखें उगु वासः याकूगु खः । उगु ज्याझ्वःया उलेज्या यल महानगरपालिकाया उपप्रमुख गीता सत्यालं यानादीगु खः ।

पद्मावती बचतं चले याना वयाच्वंगु बृद्ध उपसमितिं जेठ १ गते निसें नियमित रुपं संल्हू पतिकं प्रवचन ज्याझ्वः न्ह्याका वयाच्वंगु दु । आः तक प्यक्वः थ्व ज्याझ्वः जुइधुंकूगु दु । प्रवचनय् लोटस एकेडेमीया प्राचार्य धर्मसुन्दर बज्राचार्यपाखें मानव जीवनय् ब्यवहारिक शिक्षा विषयय् प्रवचन जुल ।

संस्थापाखें यलया सिन्चाहितिइ च्वंगु सिन्चाहिति बचतया संचालक व कर्मचारीतय्पाखें अवलोकन भ्रमण जुल । उगु संस्थाया पदाधिकारीपिंत संस्थापाखें अध्यक्ष नेमबीर शाक्यं संस्थाबारे जानकारी बियादिल ।पद्मावती बचत तथा ऋण सहकारी संस्थापाखें पद्मावती महिला समितिं छन्हुया झोल साब्वं दयेकेगु तालिम नं बिल ।

अथेहे वइगु २५ दँया समारोह तयारीया झ्वलय् संचालक, लेखा, संस्थापक, उपसमिति व कर्मचारीत दुथ्याःगु बजेट नीति व भावी ज्याझ्वः मुँज्या वंगु असार ८ गते सिद्धार्थ कटेज धोबिघाटय् च्वन । २०७४ सालया एसइइ पास जूपिं संस्थाया ३६ म्ह सदस्यया कायम्ह्याय्पिंत कदरपत्र, बीमा व पोलिसी प्रदान यानाः इन्फिनिटिभ सफ्टवेयरया लागिं सम्झौता ज्याझ्वः असार २३ गते यात ।

पद्मावतीपाखें त्यासा प्रकृया, त्यासा दुकायेगु व प्रावेशन ज्याझ्वःया महत्व विषयय् संचालक समिति, लेखा सुपरिवेक्षण समिति, संस्थापक, प्रशासनया सहभागीताय् जुल । उगु ज्याझ्वलय् राष्ट्रिय सहकारी बैंकया प्रमोद घिमिरे, लगनखेल शाखाया प्रवन्धक रमा घिमिरे व प्रोवेशन ब्राण्ड संयोजक सहभागी जूगु खः ।

नीन्यादँया लसताय् थीथी ज्याझ्वः यायेत थीथी समितित नं स्वंगु दु । थुकी कार्य सम्पादन समिति, ¥याली समिति, सांस्कृतिक उपसमिति, सचिवालय तथा हस्तकला उपसमिति, आर्थिक तथा स्मारिका प्रकाशन उपसमिति, बृहत स्वास्थ्य शिविर तथा रक्तदान उपसमिति, सिक्का प्रकाशन उपसमिति, गोष्ठी उपसमिति, स्तम्भ निर्माण उपसमिति व खाद्य व्यवस्थापन उससमिति दुथ्याः ।

थुपिं थीथी उपसमिति मार्फत् २५ दँया लसताय् विशेष कथं वहःया पाँय्म्वह पिथनेगु व स्तम्भ तयेगु ज्या नं यायेत्यंगु दु । रजत महोत्सवया मू ज्याझ्वः तःजिक न्यायेकेगु व उकिया आरम्भ वाङ्मय शताब्दी पुरुष सत्यमोहन जोशीयात मूपाहां दयेकाः न्ह्याकेगु ग्वसाः पद्मावती बचत तथा ऋण सहकारी संस्थां तयातःगु दु ।