एकेदमिया सफू पितब्वज्या लिज्यात

येँ/नेपालभाषा एकेदमिया ग्वसालय् वइगु भदौ ९ गते शनिवाः जुइगु धयातःगु सफू पितब्वज्या ज्याझ्वः लिज्याःगु दु । एकेदेमिया सदस्य सचिव मल्ल के. सुन्दरं छगू विज्ञप्ती जारी यासे एकेदमिया सफू पितब्वज्या ज्याझ्वः विशेष कारणवश लिछ्यायेमाःगुलिं उकुन्हु ज्याझ्वः मजुइगु खँ धयातःगु दु ।
एकेदमिं उकुन्हु प्रा. नर्मदेश्वर प्रधान ‘पाश्चात्य समालोचनाया सिद्धान्त’ नांया सफू पितब्वज्या यायेगु ज्याझ्वः तयातःगु खः ।
अथे हे उकुन्हु हे एकेदमिया ख्वाःपौ ‘नेवाः प्रज्ञा’या निगूगु ल्याःया नं पितब्वज्या यायेगु ज्याझ्वः तयातःगु खः ।