काश्मिरय् रञ्जना लिपि

भारतया जम्मु व काश्मिर राज्यया मार्खा धाःगु थासय् लुया वःगु ल्वहँतय् कियातःगु थ्व आखः रञ्जना लिपि खः । थुकी च्वय् रञ्जना लिपि व क्वय् तिब्बती लिपिं च्वयातःगु दु । नेपाःया स्वनिगः व भारतया काश्मिर दथुइ पुलांगु स्वापू दु ।

गुगुं इलय् नेपालमण्डल थें काश्मिर नं स्वतन्त्र देय् खः । निगू देय् दथुइ न्हापांनिसें व्यापारिक स्वापू दु । काश्मिरया व्यापारीत नेपालय् गा (शल) व सल मीगु लागिं वयेगु याइ । थ्व रञ्जना आखः च्वयातःगु ल्वहं लद्दाखलिसे स्वापू काश्मिरया उच्च ट्रेकिङ रुट झंस्कार भ्यालीइ लुया वःगु खः ।