पद्मरत्न बारे ग्लोबल राउण्ड टेबुल

येँ – नेवाः न्ह्यलुवा लिसें वरिष्ठ मानवाधिकारवादी नेता पद्मरत्न तुलाधरया ज्याजंक्वया लसताय् वय्कःया व्यक्तित्व बारे चर्चा यायेगु ताः तयाः अमेरिकास्थित ई–दबू व वल्र्ड नेवाः अर्गनाइजेशनं म्हीग छगू अनलाइन राउण्ड टेबुल ज्याझ्वः यात ।

अमेरिकाय् च्वनाः प्रमेश श्रेष्ठ व वासव राजोपाध्यायं सञ्चालन यानादीगु उगु ज्याझ्वलय् नेपाःपाखें मल्ल के. सुन्दर व सुरेश किरण, अमेरिकापाखें दया शाक्य व केशरमान ताम्रकार, बेलायतपाखें डा. सचेतन तुलाधर, नेदरल्याण्ड्सपाखें डा. बालगोपाल श्रेष्ठ, जापानपाखें डा. सुवन वज्राचार्यपिंसं ब्वति कयादीगु खःसा वल्र्ड नेवाः अर्गनाइजेशनया नायः सिजन श्रेष्ठं लसकुस यानादीगु खः ।