वंगु दँय् झिंखुगू उद्योगयात उत्पादन बन्द यायेत निर्देशन
येँ – नेपाल गुणस्तर तथा नापतौल विभागं आर्थिक दँ २०७४÷७५ य् झिंखुगू उद्योगया सामान उत्पादन व विक्री वितरण बन्द यानाबिउगु दु ।
विभागया महानिर्देशक विश्वबाबु पुडासैनीया कथं मापदण्ड पूवंकेत तःक्वः ताकेता याःसां नं माने मजूगु उद्योगया उत्पादन व विक्री वितरण बन्द यायेगु ज्या जूगु खः ।
थथे बन्द याकूगु उद्योगय् नयेगु चिकं, खाद्यान्न, पाइप व छड कारखानात लाःगु दु । अथेहे वंगु आर्थिक दँय् मापदण्ड अःखः उद्योग संचालन यानाच्वंगु ६२ गू उद्योगयात नं स्पष्टीकरण न्यंगु खः ।
विभागं नेपाल गुणस्तर चिं दुरुपयोग याःगु उद्योगतय् मुद्दा प्रक्रिया नं न्ह्याकूगु दु । आर्थिक दँ २०७४÷७५ य् गुणस्तर चिंया इजाजतपत्र प्रमाणिकरणया निंतिं ७० गू उद्योगं आवेदन बिउगु खः । आवेदन बिउगुलिं ४६ गू ग्यास उद्योग, न्हय्गू विदेशी व झिंन्हय्गू नेपाली उद्योग लाः ।
LEAVE YOUR COMMENTS