प्रकाण्ड ज्वंगु विरोधय् विप्लवया नेपाल बन्द

येँ- नेपाल प्रहरीं नेकपा (विप्लव) या प्रवक्ता खड्ग बहादुर विश्वकर्मा ‘प्रकाण्ड’ यात म्हीग मंगलवाः दक्षिणकाली नगरपालिकाया चाल्नाखेलं ज्वंगु दु । खड्कायात उद्योग व्यवसायीतय्के अवैध रुपं चन्दा म्हयाच्वंगु द्वपनय् ज्वंगु खः । प्रहरीं मंगलवाः हे प्रकाण्डयात ज्वंगु खःसां बिहीवाः जक उकिया सुचं सार्वजनिक जूगु खः ।

प्रकाण्डयात चन्दा ऐन २०३० कथं मुद्दा दर्ता याःगु दु । म्हिगः बुधवाः हे प्रहरीं प्रकाण्डयात येँ जिल्ला अदालतय् म्याद थप यायेगु निंतिं यंकूगु खःसा अदालतं न्यान्हुया म्याद थप याःगु दु । प्रकाण्डया लिसें मेपिं निम्ह नं ज्वंगु दु । ज्वंपिं कपिलवस्तुया मनबहादुर श्रेष्ठ व कालिकोटया चरिचन्द्र आचार्य खः । प्रकाण्डयात ७ करोड स्वयां अप्वः अवैध रुपं चन्दा म्हःगु द्वपं प्रहरीं बिउगु दु ।

उखे प्रकाण्डयात ज्वंगु विरोधय् विप्लव माओवादीपाखें आन्दोलनया घोषणा याःगु दु । थः प्रवक्ता लिसें स्थायी समितिया दुजः प्रकाण्डयात ज्वंगु धासें वइगु साउन २९ गते नेपाल बन्दया घोषणा याःगु दु । अथेहे थौं देय्न्यंकं कोणसभा, २६ गते विरोध सभा, साउन २७ गते मशाल जुलुस पिकाइगु ज्याझ्वः दु । पार्टीया अध्यक्ष चन्दं म्हिगः छगू विज्ञप्ति जारी यासें राजनीतिक विचारया आधारय् याःगु गिरफ्तारी बन्द यायेत व ज्वंपिं सकसितं बिना शर्त त्वःतेत माग नं याःगु दु ।

सम्बन्धित बुखँ

LEAVE YOUR COMMENTS