ने. सं. ११४४ कौलाथ्व चौथी -

अमेरिकाया टेक्सासय् नेपालीया हत्या

येँ– अमेरिकाया टेक्सास राज्यय् छगू स्टोरय् ज्या याइम्ह ३५ दँया मनिष पाण्डेयात शनिवाः चान्हय् बन्दूकधारीतय्सं हत्या यानाबिउगु दु ।
टेक्सासया ब्रोडवे ब्लुबर्ड लिक्क लाःगु स्टोरय् ज्या यानाच्वंम्ह पाण्डेयात चान्हय् १२ बजे पाखे वःपिं निम्ह लुटेरातय्सं लुटपाट यानाः गोली कयेकाथकूगु खः । उपिं लुटेरात मास्क तयाः स्टोरय् दुहां वःगु खः ।

प्रहरीं आः लुटेरात मालेगु ज्या यानाच्वंगु दु । निदँ न्ह्यव नं टेक्सासय् थथे लुटेरातय्सं समिरा शिवाकोटी नांया छम्ह नेपालीयात स्यानाबिउगु खः ।