ने. सं. ११४४ कौलाथ्व सप्तमी - फूलपाती

आत्महत्याय् आः तकया अप्वः

येँ – नेपालय् आत्महत्या याइपिं मनूतय् ल्याः दँय्दसं अप्वयाच्वंगु दुसा वंगु दँय् आः तकया हे दकलय् अप्वः थ्यंगु दु । प्रहरीया तथ्यांक कथं वंगु आर्थिक दँय् नेपालय् ५३४६ म्हेस्यां आत्महत्या याःगु दु । व स्वयां न्ह्यःया आर्थिक दँय् ५१३१ म्हेस्यां आत्महत्या याःगु खः । थुकी मध्ये यगानाः आत्महत्या याइपिं अप्वः दु ।

मनोवैज्ञानिकतय् धापू कथं नेपालय् अहंकारवादी आत्महत्या याइपिं अप्वः दु । अथे धइगु चिचीधंगु खँय् नं तुरुन्त हे विवेक गुमे यानाः आत्महत्या याइपिं मनूतय् ल्याः अप्वयाच्वंगु दु ।