त्रिशुलीइ बस कुतुंवन

येँ– येँ नं पोखरा वनाच्वंगु छगः यात्रुवाहक बस त्रिशुली खुसिइ कुतुं वंगु दु । चितवनया इच्छाकामना गाउँपालिका चुम्लिङटार धाःथासय् थौं न्हिनय् छगः ट्रक नाप ठक्कर नयाः बस कुतुं वंगु खः । कुतुं वंगु बस नं. ना ६ ख २५०६ जूगु खँ धाःगु दु ।

बसय् ३२ म्ह् यात्रु दुगु खँ धाःगु दु । बसय् च्वनावंपिं यात्रुतय् उद्धार ज्या न्ह्यानाच्वंगु दु । आःतक २३ म्ह यात्रुतय् उद्धार जुइधुंकूगु खँ धाःगु दुसा मेपिं यात्रुतय् अवस्था छु दु धयागु पूवंक विवरण वःगु मदुनि ।