श्रीदेवी नं बायोपिकय् !

बायोपिक फिल्म निर्माणया लहर वयाच्वंगु बलिउडय् हाकनं मेगु छगू बायोपिक फिल्म निर्माणं निरन्तरता काइगु जूगु दु । बायोपिक फिल्मं कयाच्वंगु सफलतां लिपांगु इलय् छगू लिपा मेगु बायोपिक फिल्म निर्माणया लहर वयाच्वंगु बलिउड फिल्म उद्योगय् हाकनं मेगु छगू बायोपिक फिल्म निर्माण जुइत्यंगु खः ।

आः इलय् बायोपिकय फिल्मया निर्माण बलिउड जक मखसे भारतया दक्षिणय् नं बायोपिक फिल्म निर्माण जूवनाच्वंगु दु । बायोपिक फिल्म लगातार रुपं सिल्भर स्क्रीनय् हिट जुयाच्वंगु इलय् आन्ध्र प्रदेशया नांजाःम्ह फिल्मकःमि एनटी रामारावया जीवनीया लिधंसाय् तेलेगु भासं नं बायोपिक दयेकीगु जुयाच्वंगु दु ।

एनटी रामाराव दक्षिण भारतया नांजाःम्ह फिल्मकःमि जक मखसे छम्ह अभिनेता नापं पुलांम्ह मुख्यमन्त्री नं खः । वयात आन्ध्र प्रदेशय् यक्वसिनं माने याः ।उगु हे फिल्मय् दक्षिण भारतया चर्चित अभिनेत्री रकुल प्रीत सिंह मदुम्ह बलिउड अभिनेत्री श्रीदेवी कपुरया भूमिकाय् खने दयेकः वइगु जूगु दु । एनटीआर व श्रीदेवीं नापं झिंप्यंगू फिल्मय् नां ज्या याःगु दुसा निम्हं उलि हे लोकं ह्वाःपिं कलाकार नं खः ।