ट्रम्पयात स्यायेगु योजनाय् न्हूगु सुचं

एजेन्सी – इजरायलं अमेरिकी राष्ट्रपति डोनाल्ड ट्रम्पयात स्यायेगु इरानया कथित न्हूगु व विशिष्ट योजना कयाः थःपिंत गुप्त जानकारी वःगु दावी याःगु दु । लिसें उगु जानकारी थ्व हे वालय् अमेरिकायात साझा याःगु नं अमेरिकी संचारमाध्यमं न्ह्यथंगु दु ।

अमेरिका व इरान दथुइ लिपांगु इलय् ब्वलनाच्वंगु तनाव व पूर्णयुद्ध जुइगु आशंका जुयाच्वंगु इलय् सार्वजनिक जूगु थुकथंया दावीं सुरक्षा चिउताः अप्वयेकूगु दु ।

अमेरिकी समाचार संस्था सीएनएनं थ्व सम्बन्धय् अज्ञात स्रोतयात उद्धृत यासें वाशिंगटनं राष्ट्रपति ट्रम्पयात कयाः जुइफुगगु सम्भावित हत्याया कुतः सम्बन्धी गोप्य सुचंयात निगरानी तयाच्वंगु धाःगु दु । अथे खःसां इजरायलं पित बिउगु लिपांगु जानकारी धाःसा छगू विशिष्ट व न्हूगु षडयन्त्रलिसे स्वापू दयेमाः धाःगु दु ।

सन् २०२० य् जनवरीइ अमेरिकाया आदेशय् इरानया वरिष्ठ सैन्य कमान्डर कासिम सुलेमानीया हत्या लिपा इरानं उकिया बदला कायेगु प्रतिवद्धता प्वंका वयाच्वंगु खः ।