बुखँ

येँ (नेपालभाषा टाइम्स) – संविधान संशोधनया निंतिं बहसपत्र तयार यायेत सरकारं नीस्वंगु कार्यदलं कार्यदलया दुजःपिंत जानकारी हे मबिसे सरकारयात प्रतिवेदन लःल्हाःगु दु । कार्यदलं बिहीवाः प्रतिवेदन लःल्हाःगु खः । सरकारयात लःल्हाःगु प्रतिवेदन बारे थःपिंत जानकारी मदुगु खँ कार्यदलया दुजः राष्ट्रिय प्रजातन्त्र पार्टीया प्रतिनिधि श्यामबहादुर शाहीं कनादीगु दु । कार्यदलया म्याद बिहीवाः तक जक खःसा उकुन्हु […]

बेइजिङ – अमेरिकी राष्ट्रपति डोनाल्ड ट्रम्पं अमेरिकी निर्वाचनय् चीनं हस्तक्षेप याःगु धकाः बिउगु द्वपंया खण्डन याःगु दु । राष्ट्रपति ट्रम्पं चीनं अमेरिकी निर्वाचनया तथ्यांकय् हस्तक्षेप याःगु धकाः बिउगु द्वपंयात चीनं ‘पूर्णरुपं कपोल कल्पित व निराधार’ जूगु धासें उकिया खण्डन याःगु खः । ट्रम्पं मध्यावधि निर्वाचन स्वयां न्ह्यः मतदाता ठगी बारे थःगु पुलांगु व आधारहीन दावी हाकनं दोहोरे […]

येँ (नेपालभाषा टाइम्स) – बागमति प्रदेशया मुख्यमन्त्री इन्द्र बानियाँ मन्त्रालयया ल्याः क्वपाःगु दु । झिंप्यगू मन्त्रालययात क्वपालाः च्यागू दयेकूगु खः । मन्त्रालयया ल्याः क्वपाःसां नं मन्त्रीत धाःसा झिंप्यम्ह हे दु । उकी मध्ये खुम्हेसित विना विभागीय मन्त्री दयेकूगु दु । वंगु वैशाख २२ गते च्वंगु प्रदेश मन्त्रिपरिषदया बैठकया निर्णय कथं मुख्यमन्त्री व मन्त्रिपरिषदया ल्याः च्यागू […]

येँ (नेपालभाषा टाइम्स) – अभौतिक सांस्कृतिक सम्पदा संरक्षण सम्बन्धी विधेयक आदिवासीतय् प्रतिनिधित्व जुइकथं व समुदायया अपेक्षा कथं दयेकेत विज्ञतय्सं सुझाव बिउगु दु । प्रतिनिधि सभा अन्तर्गतया अन्तर्राष्ट्रिय सम्बन्ध व पर्यटन समितिया म्हिगः जूगु बैठकय् विज्ञतय्सं थ्व सुझाव बिउगु खः । थ्व झ्वलय् विज्ञतय्सं अभौतिक सम्पदा संरक्षण सम्बन्धी अन्तर्राष्ट्रिय कानुन व नेपालं नाला वयाच्वंगु सन्धि सम्झौतायात […]

येँ (नेपालभाषा टाइम्स) – बिहीवाः च्वंगु मन्त्रिपरिषद्या बैठकं नेपाल राष्ट्र बैंकयात छतका वंगु व नितका वंगु न्हूगु डिजाइनया म्वह (सिक्का) पिकायेत स्वीकृति बिइगु निर्णय यात । तर थ्व म्वहया डिजाइनयात कयाः धकाः विवाद ब्वलंगु दु । न्हापाया डिजाइनय् थज्याःगु म्वहलय् नेपाःया नक्सा तयेगु यानातःगु खः । आः छतका वंगु म्वहलय् नेपाःया चुच्चे नक्सा चिइकाः मुस्ताङया […]

येँ (नेपालभाषा टाइम्स) – विशेष अदालतं पुलांम्ह अर्थमन्त्री विष्णु पौडेलयात साधारण तारेखय् त्वःतेत आदेश बिउगु दु । अदालतया दुजःपिं नारायणप्रसाद पौडेल, डिल्लीरत्न श्रेष्ठ व विदुर कोइरालाया इजलासं स्वंगू आधार क्यनाः पौडेलयात कुनाः वा धरौटी कयाः मुद्दा न्ह्याकेमाःगु आवश्यक मदुगु निष्कर्ष पिकाःगु खः । अदालतं विष्णु पौडेलया संलग्नता तत्काल चूलाःगु प्रमाणं खुले मजूगु, द्वपंयात कयाः इन्कारी […]