बुखँ

येँ –  नेपालभाषाया न्हिपौ ‘विश्वभूमि’ या सम्पादक व प्रकाशक सुशीलवीर सिंह कंसाकार मंत । वंगु बाःछि न्ह्यवंनिसें कोरोना संक्रमित जुयाः धापासीया ग्राण्डी अस्पतालय् वासः याकातःम्ह वय्कः म्हिगः वासः याकु याकुं मदुगु खः । मदुगु इलय् धाःसा कोरोना नेगेटिभ वयेधुंकूगु जूगुलिं वय्कःया अन्तिम संस्कार छेँजःपिंपाखें हे कर्णदीपय् यायेत्यनागु खँ वय्कःया दाजु जगतवीर सिंह कंसाकारं कनादीगु दु । मदुम्ह कंसाकार […]

येँ – जनता समाजवादी पार्टी (जसपा) दुने ब्वलनाच्वंगु विवादयात कयाः ग्वाहालि यायेगु निंतिं अध्यक्ष महन्थ ठाकुरं प्रधानमन्त्री केपी शर्मा ओलीयात इनाप यानादीगु खँ सीदुगु दु । म्हिगः अध्यक्ष ठाकुर व प्रधानमन्त्री दथुइ जूगु वार्ताया झ्वलय् प्रधानमन्त्री केपी शर्मा ओलीं वय्कः–पिंत सरकारय् दुहां वयेत इनाप यानादीगु खःसा उकिया लिसलय् अध्यक्ष ठाकुरं उगु इनाप यानादीगु खः । प्रमलिसे खँ […]

येँ – नेवाः भासं न्ववाःगु खँ थःथम्हं अंग्रेजीं अनुवाद जुइगु प्रणाली विकास यायेत थौंकन्हय् जुयाच्वंगु कुतः अतिकं सकारात्मक ढंगं न्ह्याः वनाच्वंगु खँ थुकी संलग्न विज्ञतय्सं धाःगु दु । थ्व ज्या न्ह्याकेत थौंकन्हय् झिद्वः खँपु (वाक्य) मुंकेगु ताः तयाः ज्या न्ह्यानाच्वंगु खःसा मुक्कं निलाया दुने ९,६०० गू वाक्य मुनेधुंकूगु दु । आः मेगु ४०० गू खँपु नं याकनं […]

येँ -थौं जेठ १८ गते । नेवाः लगायत आदिवासी जनजातितय्सं थौंया न्हियात हाकुगु न्हि कथं माने याना वयाच्वंगु दु । वि.सं. २०५६ जेठ १८ गते तत्कालीन सर्वोच्च अदालतं येँ महानगरपालिकाय् नेवाः भाय् व राजविराज नगरपालिका लिसें धनुषा जिविसय् मैथिली भाषायात बिउगु मान्यता खारेज याना बिउगु खः । अबलय् स्थानीय निकायय् नेवाः भाय् छ्यले तकं मबिउगु खःसां थुगुसी धाःसा […]

येँ – प्रतिनिधिसभा विघटन विरुद्ध लानाच्वंगु मुद्दाय् निम्ह न्यायाधीशपिं तेजबहादुर केसी व बमकुमार श्रेष्ठ बारे कानुनविद्तय्सं न्ह्यसः थंसां नं वय्कःपिंसं इजलास मत्वःतेगु स्पष्ट याःगु खँ सीदुगु दु । निम्ह न्यायाधीशया विषययात कयाः कानुनविद्तय्सं निरन्तर न्ह्यसः थना वयाच्वंगु खः । म्हिगः प्रधानन्यायाधीश चोलेन्द्रशम्शेर जबरां सर्वोच्च अदालतया मेपिं न्यायाधीशपिं लिसे सहलह यानादीगु खः । उगु इलय् प्रधानन्यायाधीशं न्ह्यसः ब्वलंपिं निम्ह […]

एजेन्सी- अर्जेन्टिनाय् कोपा अमेरिका फुटबल धेंधेंबल्लाः मजुइगु जूगु दु । धेंधेंबल्लाः सुरु जुइत झिंस्वन्हु जक ल्यं दनिबलय् आइतवाः दक्षिण अमेरिकी फुटबल कन्फेडेरेसनं अर्जेन्टिनाय् धेंधेंबल्लाः मयायेगु क्वःछिउगु खः । अर्जेन्टिनाय् खने दयाच्वंगु कोभिड–१९ या संक्रमणयात ध्यानय् तयाः थन धेंधेंबल्लाः मयायेगु क्वःछिनागु खँ कन्फेडेरेसनं धाःगु दु । झिगू दक्षिण अमेरिकी देय्तय्सं ब्वति काइगु थ्व धेंधेंबल्लाः थुगुसी जुन […]