ने. सं. ११४३ चौलाथ्व तृतीया -

थौं जेठ १८ हाकुगु न्हि

येँ -थौं जेठ १८ गते । नेवाः लगायत आदिवासी जनजातितय्सं थौंया न्हियात हाकुगु न्हि कथं माने याना वयाच्वंगु दु । वि.सं. २०५६ जेठ १८ गते तत्कालीन सर्वोच्च अदालतं येँ महानगरपालिकाय् नेवाः भाय् व राजविराज नगरपालिका लिसें धनुषा जिविसय् मैथिली भाषायात बिउगु मान्यता खारेज याना बिउगु खः । अबलय् स्थानीय निकायय् नेवाः भाय् छ्यले तकं मबिउगु खःसां थुगुसी धाःसा येँ महानगरपालिकां थः मातहतया स्कुलय् नेपालभाषां ब्वंकेगु ज्या शुरु याःगु दु ।