बुखँ

येँ- संवैधानिक इजलासया न्यायाधीशतय्त कयाः वःगु विवाद लिपा आः गठन जुइगु न्हूगु संवैधानिक इजलासय् वरिष्ठताया आधारय् प्रधानन्यायाधीश चाेलेन्द्र शम्शेर जबरा, न्यायाधीशपिं दीपककुमार कार्की, मीरा खड्का, हरिकृष्ण कार्की व विश्वम्भरप्रसाद श्रेष्ठ च्वनीगु जूगु दु । तर हरिकृष्ण कार्की थ्व स्वयां न्ह्यः लाःगु मुद्दाया इजलासय् दुगु खःसा वय्कःया विरुद्ध नं न्ह्यसः ब्वलनेवं वय्कः इजलासय् मच्वनेगु घोषणा यानादीगु […]

येँ – संवैधानिक अदालतया निम्ह न्यायाधीशपिं इजलासय् मच्वनीगु जुइवं अन्ततः प्रधानन्यायाधीश चोलन्द्र शम्शेर जबरां मेगु संवैधानिक इजलास गठन याइगु जूगु दु । वय्कलं आः न्याय परिषद्या वरिष्ठताया आधारय् न्हूगु इजलास गठन यानादीत्यंगु खँ धाःगु दु । वइगु जेठ २३ गते संसद विघटन सम्बन्धी वहस न्हूगु इजलासय् शुरु जुइ । संवैधानिक इजलासय् च्वंपिं न्यायाधीशपिं तेजबहादुर केसी व बमकुमार श्रेष्ठया […]

येँ (नेपालभाषा टाइम्स)÷जनता समाजवादी पार्टी (जसपा) या कार्यकारिणी समितिया बैठकं पार्टीया न्हापांम्ह अध्यक्ष महन्थ ठाकुर, वरिष्ठ नेता राजेन्द्र महतो, नेतापिं लक्ष्मणलाल कर्ण व सर्वेन्द्रनाथ शुक्लायात पार्टी सदस्य तकं मदइ कथं कारबाही याःगु दु । म्हीग च्वंगु कार्यकारिणी समितिया बैठकं थ्व निर्णय याःगु खः । पार्टीया संघीय परिषदया अध्यक्ष डा. बाबुराम भट्टराईया स्वकीय सचिव रोशन पोखरेलं कनादी कथं […]

येँ – सरकार व थारु कल्याणकारी सभा, थरुहट÷थारुवान संयुक्त संघर्ष समितिया दथुइ खुगू बुँदाया सहमति जूगु दु । सहमतिया कथं थरुहट÷थारुवान आन्दोलनया झ्वलय् टिकापुरय् जूगु घटनाय् द्वपं लानाच्वंपिं धनिराम चौधरी, रेशमलाल चौधरी व लक्ष्मण चौधरी लगायतपिंत तयातःगु मुद्दा लित कायेगु व उमित त्वःतेगु निंतिं संविधान व कानुन कथं पहल याइगु जूगु दु । उकथं हे सहमति पती […]

येँ – विवेकशील नेपाली दलया संस्थापक व विवेकशील साझा पार्टीया पुलांम्ह संयोजक उज्ज्वल थापा मंगलवाः मंत । कोरोनाया कारणं मेडि सिटी अस्पतालय् भेन्टिलेटरय् तयाः उपचार जुयाच्वंम्ह थापा मंगलवाः न्हिनय् ४ः२५ बजे मदुगु खँ धाःगु दु । वय्कःया छेँजःपिंसं म्हिगः छगू वक्तव्य जारी यासें थापा मदुगु जानकारी बिउगु खः । वय्कःया अन्तिम परिक्षणय् कोरोना नेगेटिभ वःसां सामान्य रुपं जक […]

येँ –  नेपालभाषाया न्हिपौ ‘विश्वभूमि’ या सम्पादक व प्रकाशक सुशीलवीर सिंह कंसाकार मंत । वंगु बाःछि न्ह्यवंनिसें कोरोना संक्रमित जुयाः धापासीया ग्राण्डी अस्पतालय् वासः याकातःम्ह वय्कः म्हिगः वासः याकु याकुं मदुगु खः । मदुगु इलय् धाःसा कोरोना नेगेटिभ वयेधुंकूगु जूगुलिं वय्कःया अन्तिम संस्कार छेँजःपिंपाखें हे कर्णदीपय् यायेत्यनागु खँ वय्कःया दाजु जगतवीर सिंह कंसाकारं कनादीगु दु । मदुम्ह कंसाकार […]