बुखँ

येँ – मौसम पूर्वानुमान महाशाखां थ्व छवाः अझं वा वइगु खँ धाःगु दु । महाशाखाया वरिष्ठ मौसमविद् बरुण पौडेलं अझं छवाः तक मनुसुन सक्रिय जुइगु व वइगु शुक्रवाः तक वा वइगु सम्भावना दुगु खँ धयादीगु खः । मनसुनी वायु सक्रिय दुगु कारणं थौंकन्हय् देय्न्यंकं वा वयाच्वंगु खँ धयादिसें वय्कलं मनसुनी वायु सक्रियताया कारणं आइतवाः चान्हय् […]

येँ – नेपालभाषाया नांजाःम्ह कवि पूर्ण वैद्य अस्पताल भर्ना जुयादीगु दु । वय्कःयात कोराना संक्रमण जुयाः थनया निदान अस्पतालय् भर्ना याःगु खः । वय्कःयात आः अन भेन्टिलेटरय् तयाः वासः याकातःगु खँ सीदुगु दु । प्यन्हुजालय् वय्कःयात कब्जियत जुयाः निदान अस्पताल भर्ना याःगु खः । अस्पताल भर्ना यानाःलि स्वाब परीक्षण याःबलय् वय्कःयात कोरोना पोजिटिभ खनेदुगु खः […]

एजेन्सी- अफगानिस्तानया काबुलय् च्वंगु हामिद कारजाइ विमानस्थल लागाय् अफगानी सुरक्षाकर्मी व अज्ञात पुचः दथुइ सोमवाः स्थानीय ईकथं सुथसिया ४ ताः इलय् गोली हानाहान जूगु दु । विमानस्थलया उत्तरी गेटय् सुरक्षाकर्मी व अज्ञात पुचःया दथुइ गोली हानाहान जूगु खःसा गोलीं लानाः छम्ह सुरक्षाकर्मी सीगु दु । मेपिं स्वम्ह सुरक्षाकर्मी घाःपाः जूगु दु । गोली हानाहान जुइधुंकाः […]

येँ –  नेपाःगालय् थीथी इलय् बौद्ध सम्पदा व बौद्ध धर्मय् प्रहार जूगु खँ बागमती प्रदेशया सांसद डा. अजयक्रान्ति शाक्यं न्ह्यथनादीगु दु । मल्लकालय् जयप्रकाश मल्ल जुजुया पालय् सेँ–खुँ हयाः बौद्ध सम्पदा न्हंके बिउगु व थ्वयां लिपा नं थीथी इलय् बौद्ध सम्पदा न्हंकेगु कुतः जूगु खँ वय्कलं कनादीगु खः । धर्माकर महाविहार स्वबहाया अशोक चैत्य पुनर्निमाण […]

अफगानिस्तान तालिबानय् कब्जाय् वंगु छवाःया दुने अन व्यापक मूल्यवृद्धि जूगु दु । अथेहे कर्मचारीत सुं मवःगुलिं बैकिङ सेवात फुक्क बन्द जुयाच्वंगु दु । तालिवानतय्सं कब्जा यायेधुंकाः जूगु अनिश्चितताया लबः कयाः व्यापारीतय्सं भाः थकाःगु खः । उकिसनं बैंक बन्द जूगुलिं ध्यबा मदयाः सर्वसाधारणं तःधंगु सास्ती फयेमालाच्वंगु दु । खामा प्रेसया कथं सरकारी अधिकारी व निजी कर्मचारीत […]

येँ- नेकपा एमालें झिंप्यम्ह सांसदपिंत सांसद पदं निष्काशन यायेगु नितिं संसद सचिवालयय् च्वःगु पौयात कयाः सभामुख अग्निप्रसाद सापकोटां छवाः दयेधुंकाः नं छुं निर्णय मयाःगुलिं विवाद ब्वलनाच्वंगु दु । सभामुख सापकोटायात थुकियात कयाः निखेरं दबाब नं लानाच्वंगु दु । एमालें थःपिंसं कारवाही यानापिं सांसदतय्त याकनं पद मुक्त यायेमाः धकाः दबाब बियाच्वंगु दुसा मेखे कारवाहीलय् लाःपिं सांसदतय्सं […]