शुक्रवाः तक वा वइगु

येँ – मौसम पूर्वानुमान महाशाखां थ्व छवाः अझं वा वइगु खँ धाःगु दु । महाशाखाया वरिष्ठ मौसमविद् बरुण पौडेलं अझं छवाः तक मनुसुन सक्रिय जुइगु व वइगु शुक्रवाः तक वा वइगु सम्भावना दुगु खँ धयादीगु खः ।

मनसुनी वायु सक्रिय दुगु कारणं थौंकन्हय् देय्न्यंकं वा वयाच्वंगु खँ धयादिसें वय्कलं मनसुनी वायु सक्रियताया कारणं आइतवाः चान्हय् निसें पहाडी, तराई फुक्क क्षेत्रय् वा वयाच्वंगु खँ धयादीगु खः ।

महाशाखां सोमवाः पितबिउगु स्वन्हुया मौसम पूर्वानुमान कथं प्रदेश नं. १, बागमति प्रदेश, गण्डकी व लुम्बिनी प्रदेशया छगू निगू थासय् मेघगर्जनसहित मलः जुइगु व तसकं वा वइगु सम्भावना दु ।