कवि पूर्ण वैद्य कोरोना जुयाः अस्पताल भर्ना

येँ – नेपालभाषाया नांजाःम्ह कवि पूर्ण वैद्य अस्पताल भर्ना जुयादीगु दु । वय्कःयात कोराना संक्रमण जुयाः थनया निदान अस्पतालय् भर्ना याःगु खः । वय्कःयात आः अन भेन्टिलेटरय् तयाः वासः याकातःगु खँ सीदुगु दु ।

प्यन्हुजालय् वय्कःयात कब्जियत जुयाः निदान अस्पताल भर्ना याःगु खः । अस्पताल भर्ना यानाःलि स्वाब परीक्षण याःबलय् वय्कःयात कोरोना पोजिटिभ खनेदुगु खः । अस्पतालं वय्कःयात कोरोनाया उपचार यानाच्वँच्वं हे सुधार मजुसेंलि भेन्टिलेटरय् तयेमाःगु खः ।

गुंपुन्हि कुन्हु वय्कःया बुन्हि खः । छुं न्हि न्ह्यः तिनि राष्ट्रपतिया ल्हातिं वय्कलं प्रज्ञा मातृभाषा साहित्य पुरस्कार ग्रहण यानादीगु खः ।