बुखँ

येँ (नेपालभाषा टाइम्स)÷ निर्वाचित जनप्रतिनिधितय् न्हापांगु संसद बैठक मच्वंतले न्हापाया संसदया कार्यकाल हे कायम यानातयेगु कथं सरकारं विधेयक हयेगु तयारी यायेवं राष्ट्रिय प्रजातन्त्र पाटीया अध्यक्ष राजेन्द्र लिङेदनंं थःगु संसद पद ‘परित्याग’ यायेगु घोषणा यानादीगु दु । संसदय् हे संवोधन यायेगु झ्वलय् थज्याःगु अनैतिक ज्याय् सहभागी जुइत थःगु आत्मां माने मजू धासें वय्कलं थःगु थ्व संवोधन हे […]

येँ (नेपालभाषा टाइम्स)÷ पुलांम्ह प्रधानन्यायाधीश चोलेन्द्र शम्शेर जबरां सशस्त्र प्रहरीया तत्कालीन डीआईजी रञ्जन कोइरालाया कैद सजाय म्हो यायेगु थःगु गल्ती जूगु स्वीकार यानादीगु दु । म्हिगः प्रतिनिधिसभाया महाअभियोग सिफारिस समितियात बयाना बीगु झ्वलय् वय्कलं थःगु गल्ती स्वीकार यानादीगु खः । समितिं जबरायाके स्वक्वःगुखुसी बयान काःगु खः । जबरायात संसदीय समितिं न्ह्यसः न्यनेगु झ्वलय् धाःगु खः, ‘सशस्त्र प्रहरीया तत्कालीन […]

येँ (नेपालभाषा टाइम्स)- संस्कृति, पर्यटन तथा नागरिक उड्डयन मन्त्री जीवनराम श्रेष्ठं स्वनिगःया स्वंगू जिल्ला येँ, यल, ख्वपलिसें किपूया सम्पदा क्षेत्रय् रात्रीकालीन सम्पदा पदयात्रायात कयाः सरोकारवालालिसे सहलह यानादीगु दु । मन्त्री श्रेष्ठं रात्रीकालीन सम्पदा यात्रा न्ह्याकेगु विषयय् सरोकारवालालिसे सहलह यानादीपिं थुगु योजनां पर्यटकत अप्वइगु नापं स्वनिगलय् च्वनीपिं पर्यटकया ल्याः नं अप्वइगु विश्वास प्वंकादीगु दु । रात्रीकालीन सम्पदा यात्रापाखें […]

येँ(नेपालभाषा टाइम्स)- येँ महानगरपालिका २१ वडा न्हूघलय् च्वंगु जैशिदेवल युथ क्लब २९ दँय् क्यंगु दु । क्लबं थःगु २९ गुक्वःगु वार्षिकोत्सव थीथी ज्याझ्वः यासें हंगु दु । क्लबया वार्षिकोत्सवया लसताय् वहृत सरसफाइनिसें तेक्वान्दो कासा तकया ज्याझ्वः याःगु खः । क्लबया कार्यकारिणी सदस्य प्रमेशबहादुर श्रेष्ठया संयोजकत्वय् जैशिदेगः परिसरय् बृहत सरसफाइलिसें १२५ गू पसःयात निःशुल्क रुपं फोहर संकलन यायेगु बाल्टिन […]

येँ – ईलोहं प्रकाशनं ताःई न्ह्यःनिसें म्हं मफयाच्वंम्ह नांजाःम्ह कलाकार मानकृष्ण वावायात आर्थिक ग्वाहालि लःल्हाःगु दु । प्रकाशनं युट्युब च्यानलय् कलाकार वावां निर्माण व अभिनय यानादीगु ‘थ्व ला ग्यानापु स्टाइल’या छगू लख स्वकुमि पूवंगु व उकिया वापत आम्दानी जूगु ध्यबा वय्कःयात लःल्हाःगु खः । युट्युबय् छगू लख स्वकुमि पूवंगु वापत आम्दानी जूगु ५२ अमेरिकी डलर नापं प्रकाशनपाखें […]

एजेन्सी÷ अर्जेन्टिनाया उपराष्ट्रपति क्रिस्टिना फर्नान्डेजयात छम्ह बन्दकुधारीं स्यायेगु कुतः याःगु दु । उपराष्ट्रपति क्रिस्टिना फर्नान्डेजययात ब्राजिलया ३५ दँ दुम्ह उम्ह मनुखं गोली कायेकाः स्यायेत स्वःगु खः, तर गोली कयेत्यंबलय् वयागु बन्दुक जाम जूगुलिं उपरराष्ट्रपति बचे जूगु दु । अर्जेन्टिनाया राजधानी ब्यूनस आयर्सय् च्वंगु थःगु छेँ पिने समर्थकत नापलानाच्वंगु इलय् थ्व घटना जूगु खः । प्रहरीं बन्दुकधारीयात ज्वने धुंकूगु […]