स्वनिगलय् रात्रीकालीन सम्पदा यात्राया योजना

येँ (नेपालभाषा टाइम्स)- संस्कृति, पर्यटन तथा नागरिक उड्डयन मन्त्री जीवनराम श्रेष्ठं स्वनिगःया स्वंगू जिल्ला येँ, यल, ख्वपलिसें किपूया सम्पदा क्षेत्रय् रात्रीकालीन सम्पदा पदयात्रायात कयाः सरोकारवालालिसे सहलह यानादीगु दु ।

मन्त्री श्रेष्ठं रात्रीकालीन सम्पदा यात्रा न्ह्याकेगु विषयय् सरोकारवालालिसे सहलह यानादीपिं थुगु योजनां पर्यटकत अप्वइगु नापं स्वनिगलय् च्वनीपिं पर्यटकया ल्याः नं अप्वइगु विश्वास प्वंकादीगु दु । रात्रीकालीन सम्पदा यात्रापाखें थनया कला, संस्कृति, सम्पदायात बाह्य व आन्तरिक पर्यटकीय गन्तव्यया रुपय् न्ह्यःने यंकेत व सम्पदाया संरक्षण, संवद्र्धन व प्रवद्र्धन यायेत नं ग्वाहालि जुइगु विश्वास मन्त्री श्रेष्ठं प्वंकादीगु दु ।

रात्रीकालीन पर्यटन प्रवद्र्धन यायेत सम्पदा क्षेत्रत उपयुक्त जू धासें मन्त्री श्रेष्ठं थम्हं न्ह्यःने हयागु पर्यटन पुनर्उत्थान कार्ययोजनाय् नं स्वनिगलय् रात्रीकालीन सम्पदा यात्रा संचालनया खँ न्ह्यथना तयागु जानकारी बियादीगु ख ।