बुखँ

येँ (नेपालभाषा टाइम्स)- सरकारं सांसदतय् कार्यावधियात कयाः हयेत्यंगु विधेयकयात कयाः निर्वाचन आयोगं नं आपत्ति प्वंकूगु दु । निर्वाचन आयोगं सोमवाः छगू विज्ञप्ति पिथँसें सांसदतय् कार्यकाल निर्वाचन लिपा तक नं दइगु कथं हःगु विधेयकय् आयोगं गम्भीर ध्यानाकर्षण जूगु खँ धयातःगु दु । सरकारं न्हू निर्वाचित सांसदतय्गु न्हापांगु संसदीय बैठक मच्वंतले पुलांगु संसद हे कायम जुयाच्वनीगु व्यवस्था यानाः विधेयक […]

ख्वप(नेपालभाषा टाइम्स)- नेवाः पत्रकार राष्ट्रिय दबू ख्वप कचाया गुक्वःगु साधारण सभा व प्यक्वःगु अधिवेशन वंगु शुक्रवाः जुल । अधिवेशनं दबूया ख्वप कचाया न्हूधाः नं याःगु खः । कचाया नायः रामगोपाल तमखुया सभापतित्वय् जूगु अधिवेशनया उलेज्या मूपाहां मध्यपु थिमि नगरपालिकाया प्रमुख सुरेन्द्र श्रेष्ठं यानादीगु खः । मूपाहां नगर प्रमुख श्रेष्ठं भाषा, कला, साहित्य, संस्कृतिया उत्थानया निंतिं […]

येँ(नेपालभाषा टाइम्स)÷लहना वाःपौ प्यसःगू ल्याः पिहां वःगु लसताय् छगू ज्याझ्वःया दथुइ थीथी पत्रकारतय्त सिरपाः व सम्मान लःल्हाःगु दु । वाःपौ पाखें भाषा, कला, संस्कृति, शिक्षा ख्यलय् योगदान बियादीपिं पत्रकार व विशिष्ट व्यक्तित्वपिंत सम्मान याःगु खः । वाःपौपाखें भाषा, जाति व पहिचानया क्षेत्रय् विशिष्ट योगदान बियादीगुलिं नेवाः न्ह्यलुवा मल्ल के. सुन्दर, मातृभाषा शिक्षाया निंतिं ऐन पारित यायेगु ज्याय् […]

येँ(नेपालभाषा टाइम्स)- नेवाः देय् दबूया नीच्याक्वःगु बुसादँ वंगु ने.सं ११४२ यंलाथ्व सप्तमि (भदौ १८) गते हंगु दु । देय् दबूया बुसादँया लसताय् थीथी व्यक्ति, संघसंस्था व व्यवसाय याना वयाच्वंपिंत सिरपाः नं लःल्हाःगु खः । खुसिबुँइ च्वंगु विनायक मल्टी भेन्युइ देय् दबूया नायः पवित्र वज्राचार्यया सभापतित्वय् जूगु ज्याझ्वलय् वय्कलं हे लसकुस यानादीगु खः । देय् दबूया पुलांम्ह नायःलिसें संरक्षक, […]

येँ (नेपालभाषा टाइम्स)- येँयाःया निंतिं भोताहिति थ्यंके हयातःगु यःसिं हनुमानध्वाखाय् थ्यंके हःगु दु । म्हिगः भोताहिति निसें सालाः हनुमानध्वाखाय् थ्यंकूगु खः । म्हिगः सुथय् ७ः२४ मिनेटया साइतय् केन्द्रीय मानन्धर संघया सक्रियताय् गुर्जु पल्टन सहित यःसिं साःगु खः । वइगु बुधवाः द्वादशी कुन्हु सुथय् ७ः१७ बजे यःसिं थनीगु साइट दु । यःसिं थनेवं येँया शुरु जुइसा थ्व कुन्हु हे […]

येँ (नेपालभाषा टाइम्स)- येँ महानगरपालिकाया २५ वडा ज्याकुथिं देगः व सम्पदा क्षेत्रय् अवैध रुपं तयातःगु पसः चीकेत २४ घौया अल्टिमेट बिउगु दु । वडा ज्याकुथिं सम्पदा लिसे देगलय् तयातःगु पसः चीकेत म्हिगः छगू सुचं जारी याःगु खः । वडा ज्याकुथिं वंघःया सन्तानेश्वर महादेव देगः जःखः तयातःगु गा पसः, भ्याचाः द्यः न्ह्यःने च्वंगु देगलय् तयातःगु चाया भाडाया सामान […]