बुखँ

येँ – भारतया दुवाः दुवातय् नेतातय् झ्वाता तये माल धकाः विवाद जुइगु यक्व न्यनेदु । अज्याःगु हे विवाद आः दाङय् नं खने दुगु दु । दाङया लँ दथुइ माओवादी समर्थक शहीद कृष्णसेन इच्छुकया झ्वाता तयेगु खः लाकि कांग्रेस नेता खुमबहादुर खड्काया झ्वाता तयेगु धइगु विवादं यानाः सतक दयेकेगु ज्या तकं प्रभावित जूगु दु । म्हिगः अन कृष्णसेनया झ्वाता […]

येँ – संसफोया केन्द्रीय दुजः लिसें नेवाः न्ह्यलुवा पवित्र वज्राचार्य व नांजाःम्ह संगीतकार न्हू वज्राचार्य अले कलाकार नगीना जोशीया मां साहित्यकार कृष्णदेवी वज्राचार्य मंत । वय्कः ८८ दँ दुम्ह खः । वय्कःया सीम्हयात म्हिगः अन्तिम श्रद्धांजलिया लागिं ओमबहालय् तःगु खःसा वयां लिपा टेकुदोभानय् अन्त्येष्टी याःगु खः । मदुगु कृष्णदेवीया जहान परमानन्द वज्राचार्य नेपालभाषाया नांजाःम्ह साहित्यकार खः । वय्कःया […]

येँ – मेलम्ची परियोजना– यात कयाः मेलम्ची खानेपानी आयोजना व खानेपानी मन्त्रालय दथुइ ब्वलंगु विवाद अन्ततः मन्त्रिपरिषद्य् थ्यंगु दु । इटालियन कम्पनी सीएमसी ठेक्का त्वाःथलाः लिहां वंगु न्याला दयेधुंकाः नं आयोजना गुकथं न्ह्याकेगु धकाः क्वःछी मफयेवं प्रधानमन्त्रीया निर्देशन कथं आयोजना बारे मन्त्रिपरिषदं निर्णय यायेत्यंगु खः । प्रधानमन्त्रीया निर्देशन कथं खानेपानी मन्त्री बिना मगरं मेलम्चीया ल्यं दनिगु ज्या […]

समाजवादी पार्टीपाखें संविधान संशोधनया आह्वान येँ – न्हू नीस्वंगु समाजवादी पार्टी नेपालं आः नेपालय् झिंछगू प्रदेश दयेकेमाःगु माग याःगु दु । संविधान संशोधन यानाः झिगू भौगोलिक व छगू गैरभौगोलिक प्रदेश दयेकेमाःगु माग याःगु खः । म्हिगः प्रज्ञा प्रतिष्ठानय् संघीय समाजवादी फोरम व नयाँ शक्ति पार्टी एकीकरण ज्याझ्वलय् न्ववायेगु झ्वलय् पार्टीया नेता डा. बाबुराम भट्टराईं उगु खँ धयादीगु […]

थिमि – भक्तपुर जिल्ला मानन्धर युवा संघया ग्वसालय् जूगु झिंस्वन्हुया क्षमता अभिवृद्धि तालिम क्वचाःगु दु ।समापन ज्याझ्वलय् नवासें संघया नायः न्हुछेरत्न मानन्धरं थज्याःगु तालिमं जिल्लाया थीथी थासय् च्वनाच्वंपिं मानन्धर समुदायया शैक्षिक, आर्थिक, सांस्कृतिक व कासा ख्यलय् क्षमता अभिवृद्धि यायेगुलिइ तिबः जू वनीगु विश्वास प्वंकादिल । थःपिंसं समुदायया क्षमता अभिवृद्धिया लक्ष्य कयागु दु धासें वय्कलं धयादिल, ‘संस्थागत प्रोत्साहन […]

यल – नेपालभाषा मंकाः खलः यलयात न्ह्याकेगु विषयय् छगू सहलह मुँज्या जूगु दु । ‘नेपालभाषा मंकाः खलः यल न्ह्याःवनेगु लँपु’ विषयय् उगु सहलह जूगु खः ।खलःया नायः ऋषिप्रसाद श्रेष्ठया सभापतित्वय् जूगु सहलह मुँज्याय् मंकाः खलःया पुलांम्ह नायः डा. पुष्पराज राजकर्णिकार छगू ज्यापौ न्ह्यब्यादीगु खः । ज्यापौ न्ह्यब्वयादिसें डा. राजकर्णिकारं नेवाःतय्गु मू तातुना धइगु हे नेवाः राज्य खः धासें […]