बुखँ

येँ – बुद्ध जन्मस्थल लुम्बिनीइ संयुक्त राष्ट्र संघया पुलांम्ह महासचिव ऊ थान्तया झ्वाता निर्माण याःगु दु । लुम्बिनी विकासया छम्ह न्ह्यलुवाकथं कयातःम्ह थान्तया झ्वाता वय्कःया सम्मानय् लुम्बिनीइ निर्माण याःगु खः । जापानी नागरिक टोकुशिन कासाईया आर्थिक ग्वाहालिं लुम्बिनी सूचना केन्द्र परिसरय् निर्माण जूगु थान्तया झ्वाता प्रदेश नं. ५ या उद्योग, पर्यटन, वन तथा वातावरणमन्त्री लीला गिरी, लुम्बिनी […]

गोरखा भुखाय्लिपा जमिनय् क्वय् संचय जुयाच्वंगु शक्ति स्खलन मजूनिगुलिं थ्व हे क्षेत्रय् वा ताःई न्ह्यवंनिसें शक्तिशाली भुखाय् मफःगु पश्चिम नेपालय् भुखाय् ब्वये फइगु सम्भावना दुगु भूगर्भविदतय्सं धाःगु दु । स्वदेशी व विदेशी विज्ञतयसं थ्व बारे राष्ट्रिय÷अन्तर्राष्ट्रिय ‘जर्नल’य् थःपिनिगु अध्ययनया सारया लिधंसाय् च्वसु प्रकाशन यासें नेपाःमितय्त सचेत जुयाः पूर्व तयारी लगे जुयाच्वनेत सुझाव बिउगु दु । गोरखा भुखाय् […]

यल – नकतिनि जक जन्म शताब्दी हनादीम्ह वाङ्मय शताब्दी पुरुष सत्यमोहन जोशीयात नेपाःया निंतिं चिनिया राजदूत होउ यान्छीं नाप लानादीगु दु । जोशीया निजी निवास बखुंबहालय् वनाः चिनिया राजदूत यान्छीं भेटवार्ता यानादीगु खः । भेटया इलय् शताब्दीपुरुष जोशीं चिनिया साहित्ययात कयाः थम्हं यानागु अध्ययन, अनुसन्धान लगायतया अरनिकोया नेपाः व चीन दथुया सम्बन्ध व अरनिकोया बारे थम्हं च्वयागु […]

थिमि – नगदेश बौद्ध समूहया ग्वसालय् २५६३ क्वःगु स्वांयाःपुन्हि थीथी ज्याझ्वः यासें हन । भगवान बुद्धया जन्म, संबोधी ज्ञान लाभ व महापरिनिर्वाण जुयाबिज्याःगु त्रिसंयोग चूलाःगु दिं स्वांयाःपुन्हिया लसताय् नगदेश बुद्ध विहारया धम्महलय् उगु ज्याझ्वः जूगु खः ।निगू चरणय् न्ह्याःगु ज्याझ्वलय् दकलय् न्हापां बुद्धपूजा जूगु खः । वयां लिपा मध्यपुर थिमि नगरपालिकाया प्रमुख मदनसुन्दर श्रेष्ठया प्रमुख आतिथ्यता व धर्मकीर्ति […]

किपू – बु.सं. २५६३ क्वःगु स्वांयाःपुन्हिया लसताय् भजन संग्रह ‘बुद्ध लुइके’ नांया म्येँचाया चिखिफ्यनेज्या जूगु दु । स्वांयाःपुन्हिया हे न्हिकुन्हु म्येँ हालामि मय्जु गंगा महर्जनया याकः सलय् दुथ्यानाच्वंगु म्येँचाया जनकवि दुर्गालाल श्रेष्ठं चिखिफ्यनेज्या यानादीगु खः । म्येँ हालामि महर्जनपाखें भजन न्ह्यब्वयादिसें न्ह्याःगु ज्याझ्वलय् लोक गायक रत्न बेहोसी, म्येँच्वमि राजभाई जकःमि, वि.नन्द वैद्य, अनक मिडियाया संरक्षक श्रीराम महर्जन […]

येँ – रेडियन्ट ईभेन्ट म्यानेजमेन्टया ग्वसालय् जूगु गुक्वःगु लिटिल प्रिन्स–प्रिन्सेज नेपाल—२०१९ या उपाधि आद्या कार्कीं त्याकल । वंगु शुक्रवाः थनया जमःस्थित राष्ट्रिय नाचघरय् जूगु धेंधेंबल्लाः कासाय् ५७ म्ह कासामियात लिउने लाकाः कार्कीं मुख्य उपाधी त्याकूगु खः । उपाधी त्याकादीम्ह कार्कीयात ग्वसाः खलः रेडियन्ट ईभेन्टया कार्यकारी निर्देशकलिसें फेसन डिजाइनर श्रीषा वैदार फैंजूं ताज पुइकादीगु खःसा संस्थाया संस्थापक निर्देशकलिसें […]