भजन संग्रह बुद्ध लुमंके पिदन
किपू – बु.सं. २५६३ क्वःगु स्वांयाःपुन्हिया लसताय् भजन संग्रह ‘बुद्ध लुइके’ नांया म्येँचाया चिखिफ्यनेज्या जूगु दु । स्वांयाःपुन्हिया हे न्हिकुन्हु म्येँ हालामि मय्जु गंगा महर्जनया याकः सलय् दुथ्यानाच्वंगु म्येँचाया जनकवि दुर्गालाल श्रेष्ठं चिखिफ्यनेज्या यानादीगु खः ।
म्येँ हालामि महर्जनपाखें भजन न्ह्यब्वयादिसें न्ह्याःगु ज्याझ्वलय् लोक गायक रत्न बेहोसी, म्येँच्वमि राजभाई जकःमि, वि.नन्द वैद्य, अनक मिडियाया संरक्षक श्रीराम महर्जन पाहांकथं झायादीगु खः ।
उगु म्येँचालय् रत्न बेहोसी, अनागारिक श्रद्धाचारी, वि.नन्द वैद्य, क्रान्ति शाहीया रचना व अनिल तुलाधर, रत्न बेहोसी, सुरेन्द्र श्रेष्ठं संगीत बियादीगु दु । म्येँचालय् दुथ्यानाच्वंगु म्येँय् जुगल डंगोल, सुरेन्द्र श्रेष्ठं संगीत संयोजन यानादीगु खः ।
LEAVE YOUR COMMENTS