बुखँ

येँ – थनया वंघः, केल, थाय्मदु व किलाघः दुवातय् च्वंगु ऐतिहासिक भ्याःचाद्यः हानं पुनर्स्थापना याःगु दु । स्थानीय त्वाःबहाःयापिं जानाः मछिन्द्र क्लबपाखें ग्वसाः ग्वःगु छगू क्षमापुजा लिपा द्यः पलिस्था याःगु खः । थ्व द्यः उगु दुवाःया दथुइ लँय् हे लानाच्वंगु दु । दुवातय् च्वंगु गालय् द्यः पलिस्था यानातःगु खः । यक्वस्यां अन द्यः दु धकाः मसिउ । सिउसां गज्याःम्ह द्यः […]

येँ – थनया आशा सफूकुथिइ न्ह्यानाच्वंगु हस्तलिखित ग्रन्थया पाण्डुलिपि व ताडपत्र संरक्षण तालिम शुक्रवाः क्वचाल । तालिम न्यान्हुयंकं जूगु खः । तालिमय् आशा सफूकुथि लिसें राष्ट्रिय अभिलेखालय, केशर पुस्तकालय, राष्ट्रिय संग्रहालय, पं. योगहरिनाथ स्मृति प्रतिष्ठानया प्रतिनिधिपिंसं ब्वति काःगु खः । सहभागीपिंत सफू तयेगु भ्वंया बाकस दयेकेगु तालिम बिउगु । थ्व तालिम जर्मनीया ह्याम्बर्ग विश्वविद्यालयया प्राध्यापक मय्जु मिशेल बिडलं बियादीगु […]

पार्टी दथुइ भागया विवाद वयेवं निर्देशिका तयार येँ  – नेपाःया द्वन्द्व व्यवस्थापन यायेगु ज्याय् असफल साबित जूगु सत्य निरुपण तथा मेलमिलाप आयोग व बेपत्ता छानबिन आयोग गठन यायेगु ज्याय् तकं सरकार असफल जुयाच्वंगु दु । सरकारं न्हापा गठन याःगु थ्व निगुलिं आयोगं बांलाक ज्या याये मफुसेंलि सरकारं उकियात भंग याःगु खः । तर आः हानं न्हूगु आयोग […]

येँ – अमेरिकाय् च्वनाच्वंपिं नेपाःमि मूलया भौतिक शास्त्रीतय् निक्वःगु एन्पा– सम्मेलन २०१९ जुल । अमेरिकाय् च्वनाच्वंपिं नेपाःमि मूलया भौतिक शास्त्रीतय् संगठन एशोसियसन अफ नेपाली फिजिक्स इन अमेरिका (एन्पा)या ग्वसालय् वंगु जुलाई १९ निसें २१ तक स्वन्हुयंकं उगु सम्मेलन जूगु खः । सम्मेलनय् अमेरिकानापं थीथी देय्या वैज्ञानिकतय् नं सहभागिता दुगु खः । सम्मेलनय् अमेरिका, नेपाः, क्यानाडा, स्वीट्जरल्याण्ड, दक्षिण कोरियाया […]

चुरोट, सूर्ती, पान पराग सेवनं स्वास्थ्यया निंतिं मनिं धकाः सकसिनं सिउ । अथे खःसां उकिया उपभोग याइपिनिगु ल्याः म्हो मजू । उकिं झीथाय् जक मखु विदेशय् तकं अज्याःगु पदार्थया सेवन जुइगु खतराया संकेत बीकथं चेतावनीमूलक किपा तयेगु चलन दु । तर अज्याःगु पदार्थ सेवनं जुइगु खतराया संकेतया थासय् सुं छम्ह मनूया चानातःगु तुतिया किपा तयाबिल धाःसा उकिं छु […]

विवादय् वयाच्वंगु गुथि विधेयकयात कयाः येँ महानगरपालिकाया सम्पदा तथा पर्यटन विभागया ग्वसाः ज्यापु महागुथि येँ महानगर समितिया व्यवस्थापनय् शुक्रवाः येँय् छगू अन्तक्र्रिया ज्याझ्वः जुल । ज्याझ्वलय् मूपाहां कथं झाःम्ह येँ महानगरपालिकाया मेयर विद्यासुन्दर शाक्यं सरकारं गुथि विधेयक लित कायेधुंकाः आः झीगु धापू छु खः धइगु खँ पित बीमाःगु बिचाः तयादिल । सकल नेवाःतय्गु मंकाः अवधारणा तयार यायेगु […]