राष्ट्रिय

येँ- सर्वोच्च अदालतं नेकपा (नेकपा) या अस्तित्व म्वाका बीवं बागमति प्रदेशया मुख्यमन्त्री डोरमणि पौडेलया पद सुरक्षित जूगु दु । मुख्यमन्त्री पौडेल विरुद्ध प्रदेश सभाय् दर्ता जुयाच्वंगु अविश्वासया प्रस्ताव आः औचित्यहिन जूगु दु । नेकपाया दाहाल–नेपाल पुचलं मुख्यमन्त्री पौडेल विरुद्ध अविश्वासया प्रस्ताव दर्ता यानातःगु खः । बागमति प्रदेशया कुल ११० म्ह सांसद मध्ये एमालेया जक ५७ म्ह सांसद दु । […]

येँ – जनता समाजवादी पार्टीं वर्तमान प्रधानमन्त्री केपी शर्मा ओलीयात प्रधानमन्त्रीया रुपय् स्वीकार याये मफइगु खँ धाःगु दु । केन्द्रीय कार्यकारिणी समितिया दुजः गंगानारायण श्रेष्ठं ‘नेपालभाषा टाइम्स’ यात थ्व खँ कनादीगु खः । वय्कलं नेकपा एमाले लिसे सत्ता समीकरण यानाः सरकार गठन जुइगु सम्भावना दुसां नं ओली नेतृत्वयात धाःसा स्वीकार यायेत थःपिं तयार मदुगु खँ कनादिल । सरकार […]

येँ- येँया पुलांगु बसपार्कय् काठमाडौं भ्युटावर दयेकाच्वंम्ह जलेश्वर स्वच्छन्द विकोइ विल्डर्सया सञ्चालक मनोज भेटवालयात ज्वनाः अदालतय् बुझे याःगु दु । अख्तियार दुरुपयोग अनुसन्धान आयोगं भेटवाल लिसें ११० म्हेसिया विरुद्ध विशेष अदालतय् मुद्दा दायर याःगु खः ।

येँ- अन्ततः एमाले व माओवादी केन्द्र विभाजन जुयां तुं त्वःतल । थ्व पार्टी एकीकरण जुयाः सरकार गठन याःगु इलय् थ्वयात दक्षिण एशियाया हे दकलय् तःधंगु कम्युनिष्ट पार्टी धइगु उपमा बिउगु खः । तर थ्व पार्टीयात प्राप्त जूगु थुगु उपमा धाःसा ताःई टिके जुइ मफुत । नेपाःया वामपन्थी राजनीतिया विश्लेषकतय् बिचाः कथं नेकपा विभाजन जुयाः हानं एमाले व माओवादी […]

येँ – निर्वाचन आयोगं गोपाल किराती अध्यक्ष दुगु नेकपा माओवादी केन्द्र व सन्ध्या तिवारी अध्यक्ष दुगु नेकपा एमाले खारेज यानाबिउगु दु । म्हिगः च्वंगु आयोगया बैठकं किरातीया पार्टीया नां व चुनाव चिं नं मदुगु धासें झिंन्यान्हुया दुने न्हूगु नां व चुनाव चिं पेश यायेत निर्देशन बिउगु खः । तिवारीयात धाःसा आयोगं पार्टीया न्हूगु नां पेश यायेत धाःगु […]

येँ- जनता समाजवादी पार्टी व नेपाल कम्युनिष्ट पार्टी (एमाले) दथुइ सरकार गठन यायेत कार्यदल गठन जुल धकाः वःगु समाचारयात जसपां खण्डन याःगु दु । नेकपा एमाले व जनता समाजवादी पार्टीं सत्ता साझेदारीया निंतिं वार्ता पुचः गठन यात धकाः वःगु समाचारयात जसपाया नेता लक्ष्मणलाल कर्णं खण्डन यानादीगु खः । थीथी सञ्चार माध्यमय् सत्ता साझेदारीया निंतिं एमालेपाखें सुवास नेम्वाङ […]