एमाले व माओवादी केन्द्रयात आधिकारिक मान्यता

येँ – निर्वाचन आयोगं गोपाल किराती अध्यक्ष दुगु नेकपा माओवादी केन्द्र व सन्ध्या तिवारी अध्यक्ष दुगु नेकपा एमाले खारेज यानाबिउगु दु ।
म्हिगः च्वंगु आयोगया बैठकं किरातीया पार्टीया नां व चुनाव चिं नं मदुगु धासें झिंन्यान्हुया दुने न्हूगु नां व चुनाव चिं पेश यायेत निर्देशन बिउगु खः । तिवारीयात धाःसा आयोगं पार्टीया न्हूगु नां पेश यायेत धाःगु दु, लिसें तिवारीया पार्टीया चुनाव चिं नं कायम यानातःगु दु ।

एमाले व माओवादी केन्द्र एकीकरण जुइधुंकाः किरातीं नेकपा माओवादी केन्द्रया नामं पार्टी दर्ता याःगु खःसा चुनाव चिं कथं गोलाकार दुने इंचा व मुगः काःगु खः । थ्व न्हापा माओवादी केन्द्रया चुनाव चिं खः । सन्ध्या तिवारीं धाःसा पार्टीया चुनाव चिं डाँडाय् च्वंगु सुद्र्यः चिं काःगु खः ।

थ्वहे झ्वलय् निर्वाचन आयोगं सर्वोच्चया फैसला लिपा पुलांगु अवस्थाय् वंगु नेकपा एमाले व नेकपा माओवादी केन्द्रयात एकीकरण यायेगु खःसा झिंन्यान्हुया दुने निवेदन बीगु इनाप याःगु दु । म्हिगः च्वंगु आयोगया बैठकं सर्वोच्च अदालतया फैसलां नेकपा खारेज जूगुलिं एकीकरण यायेगु खःसा हाकनं निवेदन बीत जानकारी बीगु निर्णय याःगु खः । निर्वाचन आयोगं थ्व ज्या सर्वोच्चया आदेश वयेवं हे न्ह्यःने न्ह्याकूगु खः ।

सम्बन्धित बुखँ

LEAVE YOUR COMMENTS