बागमति मुख्यमन्त्रीया पद बचे जुल

येँ- सर्वोच्च अदालतं नेकपा (नेकपा) या अस्तित्व म्वाका बीवं बागमति प्रदेशया मुख्यमन्त्री डोरमणि पौडेलया पद सुरक्षित जूगु दु । मुख्यमन्त्री पौडेल विरुद्ध प्रदेश सभाय् दर्ता जुयाच्वंगु अविश्वासया प्रस्ताव आः औचित्यहिन जूगु दु । नेकपाया दाहाल–नेपाल पुचलं मुख्यमन्त्री पौडेल विरुद्ध अविश्वासया प्रस्ताव दर्ता यानातःगु खः ।

बागमति प्रदेशया कुल ११० म्ह सांसद मध्ये एमालेया जक ५७ म्ह सांसद दु । प्रदेशया सरकारयात ५६ म्ह सांसद जक दःसां गाः । बागमति प्रदेशय् माओवादी केन्द्रया २३ म्ह सांसद दुसा कांग्रेसया २२, राप्रपाया २, नेमकिपाया २, साझा विवेकशीलया ३ व छम्ह स्वतन्त्र सांसद दु ।
सर्वोच्च अदालतया फैसला वये न्ह्यः अष्टलक्ष्मी शाक्ययात मुख्यमन्त्री प्रस्ताव यासें उपसभामुख राधिका तामाङं माधव नेपाल पक्षया २३ व माओवादी केन्द्रया २२ म्ह सांसदया हस्ताक्षर सहित मुख्यमन्त्री पौडेल विरुद्ध अविश्वासया प्रस्ताव दर्ता याःगु खः ।

थ्वहे झ्वलय् मुख्यमन्त्री पौडेल विरुद्ध तयातःगु अविश्वास प्रस्तावयात कयाः याकनं हे संसद बैठक सःतेत्यंगु दु । प्रदेशया सभामुख सानुकुमार श्रेष्ठं दलत लिसे सहलह यानाः बैठक सःतेगु तयारी यानाच्वंगु खः । उगु बैठकय् संसदय् दर्ता जुयाच्वंगु अविश्वासया प्रस्ताव सहलह जुइगु खँ धाःगु दु ।

सम्बन्धित बुखँ

LEAVE YOUR COMMENTS