राष्ट्रिय

येँ- वाम बुद्धिजीवी लिसें नेपालभाषाया समालोचक प्रा. माणिकलाल श्रेष्ठ मन्त । वंगु निवाः न्ह्यवंनिसें वय्कःयात मेडिसिटी अस्पतालय् तयाः वासः याकातःगु खःसा छुं न्हि न्ह्यवंनिसें वय्कः कोमाय् लाःगु खः । कोमाय् लालां हे थौं मंगलवाः सुथय् ७ बजे वय्कः मदुगु खँ वय्कःया छेँजःपिंसं धाःगु दु । भाजु श्रेष्ठ ८९ दँ दुम्ह खः । भाजु श्रेष्ठ वामपन्थी […]

येँ – प्रधान–मन्त्री केपी ओलीं भृकुटीमण्डपय् जूगु सार्वजनिक आमसभापाखें माधव नेपाल, झलनाथ खनाल लगायतया नेतातय्त चैत्र ७ गते च्वनीगु पार्टीया केन्द्रीय बैठकय् ब्वति काः वा धकाः सार्वजनिक रुपं ‘ब्वनापौ’ छ्वयेवं आः नेकपा (एमाले) छप्पँ मजुइगु जकं खः लाकि धइगु आशंका तःधं जुया वंगु दु । एमाले अध्यक्ष एवं प्रम ओलीं अथे खुल्ला रुपं बैठकय् ब्वति काः […]

कांग्रेस सभापति शेरबहादुर देउवां थःगु नेतृत्वय् सरकार गठन मयात धाःसा जसपाया नेतृत्वय् सरकार गठन जुइफइगु खँ सूत्रं धाःगु दु । सूत्रया कथं यदि सभापति देउवां थःगु ध्यान पार्टीया महाधिवेशनय् केन्द्रीत यायेगु धकाः सरकारया नेतृत्व मयायेगु धाल धाःसा जसपाया नेतृत्वय् सरकार गठन जुइगु सम्भावना ब्वलंगु खः । जसपाया नेतृत्वय् सरकार गठन जुइगु अवस्था वल धाःसा जसपा […]

येँ – जनता समाजवादी पार्टीयात सरकारय् वने मजिउ धासें जसपाया सांसदत बिस्कं बैठक च्वंगु खँ सीदुगु दु । सांसदतय्सं आःया इलय् सरकारय् वनेमजिउ धासें थ्व मोर्चाबन्दी दयेकूगु खः । थुपिं सांसदतय्सं पार्टीयात सरकारय् वनेगु पाखें पनेत रणनीति दयेकेत सहलह ब्याकाच्वंगु खँ धाःगु दु । थ्व मोर्चाबन्दीया बारे डा. बाबुराम भट्टराईया स्वकीय सचिव रोशन पोखरेलं धाःसा थःपिंत थुकिया जानकारी […]

यल- थनया भण्डारखाल क्यबय् झण्डै खुसः दँ पुलांगु परम्परा हाकनं न्ह्याःगु दु । थनया भण्डारखाल क्यबस्थित माणिकेश्वर महाद्यःया रुद्री यायेगु परम्परा हाकनं न्ह्याःगु खः । झण्डै खुसः दँ न्ह्यवंनिसें दिनाच्वंगु थ्व परम्परां वंगु विहीवाःनिसें हाकनं निरन्तरता काःगु खः । पाटन संग्रहालयया पहलय् थनया तलेजुया पुजारीतय्सं मणिकेश्वर महाद्यःया रुद्राभिषेक पुजालिसें चण्डी पाठ याःगु खः । थ्व झ्वलय् तलेजुया पुजारी वासुदेव […]

येँ – नेवाः अर्गनाइजेशन अफ न्यू इंग्ल्यान्ड युएसएया ग्वसालय् अमेरिकाया मासाच्युट्स राज्यय् च्वनाच्वंपिं नेवाः भाय् मसःपिं नेवाःतय्त नेपालभाषा स्यनेगु ज्या न्ह्याःगु दु । संस्थाया नायः समान्त श्री वज्राचार्यं त्वाःदेवाय् मत च्याकाः स्वस्ति वाचन यासें भाय् स्यनेगु ज्याझ्वः न्ह्याकादीगु खः । वाःपतिकं शनिवाःकुन्हु न्ह्याइगु थुगु नेपालभाषा स्यनेगु ज्याया भाला शिकागोय् च्वंच्वनादीम्ह हलिं नेवाः दबू अमेरिका कचाया नेपालभाषा व […]