राष्ट्रिय

किपू नगरपालिकां नीस्वंगु सांस्कृतिक संरक्षित क्षेत्र घोषणा तयारी कार्यदलपाखें जेठ ११ गते ११ बजे किपू नगरपालिकाया मेयर रमेश महर्जनयात प्रतिवेदन नापं प्रस्तावित ऐन लःल्हाःगु दु । सांस्कृतिक संरक्षित क्षेत्र कार्यदलया कजि श्रीकृष्ण महर्जनया नेतृत्वय् कार्यदलया न्याम्ह हे दुजःपिन्सं मंकाः कथं प्रतिवेदन नापं ऐन लःल्हाःगु खः । स्थानीय सरकार संचालन ऐन कथं स्थानीय सरकारं सांस्कृतिक संरक्षित […]

यल- नेपालभाषाया अतिकं नांजाम्ह म्येँ हालामि स्वयम्भूराज शाक्य मंगलवाः बहनि मंत । वय्कः ६४ दँया उमेरय् मदुगु खः । कोरोना संक्रमण खनेदयेवं उपचारया निंतिं विपि स्मृति अस्पतालय् भर्ना जुयादीम्ह वय्कःया लिपांगु इलय् याःगु पीसीआर परीक्षण नेगेटिभ वःगु वय्कःया छेँजःपिंसं जानकारी बिउगु दु । मदुम्ह शाक्ययात नेपालभाषा संगीतिक ख्यलय् न्हूगु शैली व सृजनाया प्रयोग याइम्ह साधककथं […]

येँ – पुलांम्ह प्रधानमन्त्री लिसें नेकपा (एमाले)या वरिष्ठ नेता माधव नेपालं प्रम ओली नेतृत्वया सरकारयात कानुनी, राजनीतिक व सतक आन्दोलनं चीकाः कानुनी राज स्थापना यायेगु दायित्व आः थःपिनि ब्वहलय् वःगु खँ धयादीगु दु । म्हिगः सामाजिक सञ्जालपाखे छगू अपिल जारी यासें नेता नेपालं प्रम ओली नेपाःमि जनता, निष्ठावान नेता कार्यकर्ता, लोकतन्त्र, संविधान व मुक्कं कम्युनिष्ट […]

येँ- थौं स्वांयाः पुन्हि । तर कोरोना महामारीया कारणं थौं सार्वजनिक रुपं गनं नं छुं कथंया ज्याझ्वः धाःसा मयाइगु खँ सीदुगु दु । अखिल नेपाल भिक्षु महासंघया महासचिव भिक्षु कोण्डन्य महास्थविरं कनाबिज्याः कथं थौं विहार विहारय् नियमित स्वयां छुं भचा थप बुद्ध पुजाया ज्याझ्वः जुइ तर पिनेयापिं धाःसा सुं नं दुमकाइगु खँ कनादिल । अथे […]

येँ – प्रधानमन्त्री केपी शर्मा ओलीं निक्वःखुसी संसद विघटन याःगु विरुद्ध सर्वोच्च अदालतय् रिट लानाच्वंगु इलय् म्हीग सर्वोच्चया प्रधानन्यायाधीश चोलेन्द्र शमशेर जबरा व प्रधानमन्त्री ओली दथुइ वालुवाटारय् खँल्हाबल्हा जूगु हुइनाभुइना पिहां वःगु दु । थ्व हुइनाभुइना बारे थवंथवय् खण्डन मण्डन जुयाच्वंसां पुलांम्ह प्रधानमन्त्री लिसें जनता समाजवादी पार्टी संघीय परिषदया अध्यक्ष डा. बाबुराम भट्टराईनं धाःसा थुकिया […]

येँ – नेपालभाषाया न्हापांम्ह पत्रकार धर्मादित्य धर्माचार्यया बुन्हिया लसताय् म्हिगः खुक्वःगु मातृभाषा पत्रकारिता दिवस न्यायेकल । नेवाः पत्रकार राष्ट्रिय दबूया ग्वसालय् म्हिगः अनलाइन माध्यमं थ्व दिवस न्यायेकूगु खः । पत्रकार दबूया केन्द्रीय नायः सुरजवीर वज्राचार्यया सभापतित्वय् जूगु उगु ज्याझ्वलय् न्ववासें आदिवासी जनजाति पत्रकार महासंघया नायः दण्ड गुरुङं नेपाल पत्रकार महासंघ आः तक नं जनजाति पत्रकारतय् […]