राष्ट्रिय

येँ – कोरोना महामारीया कारणं निदँ तक दिनाच्वंगु येँ देय्या तःजिगु यँयाः जात्रा थुगुसी न्यायेकेमाःगु सः पिहां वःगु दु । थुगुसीया यँयाः जात्रा छु यायेगु धइगु बारे सहलह यायेत इन्द्रजात्रा व्यवस्थापन समितिं सःतूगु मुँज्याय् सहभागी जूपिं थीथी वडाया स्थानीय बुद्धिजीवीतय्सं थुगुसी आवश्यक स्वास्थ्य मापदण्ड व सुरक्षा व्यवस्था यानाः यँयाः जात्रा न्यायेके माली धइगु सुझाव बिउगु खः । […]

येँ – थःपिनिगु सेवा सुविधा लिसे थीथी न्यागू माग तयाः धर्ना बियाच्वंपिं वीर अस्पतालया स्वास्थ्यकर्मी व प्रमुख प्रशासकीय अधिकृत डा. जागेश्वर गौतम दथुइ सहलहया इलय् भनाभन जुइवं प्रहरीं लाठिचार्ज याःगु दु । वीरया कर्मचारीतय् कथं सहलहया झ्वलय् छुं भचा तनाव जुइवं डा. गौतम प्रहरी सःतूगु खः । प्रहरी बैठक जुयाच्वंगु थासं हे कर्मचारीतय्त पितिनेत याःगु लाठिचार्जय् लानाः […]

येँ-  नेपाल रेडक्रस सोसाइटी (नेरेसो) रक्तसंचार सेवा केन्द्रपाखें दछिया दुने थ्यंमथ्यं निगूत्या लख युनिट हि संकलन याःगु दु । केन्द्रपाखें आर्थिक दँ ०७७÷७८ य् निगू लख पीनिद्वः व पीच्यागू युनिट हि संकलन यानागु जानकारी बिउगु खः । नेपालय् रक्तसंचार सेवाया प्रारम्भिक वार्षिक प्रतिवेदन सार्वजनिक यायेगु झ्वलय् उगु जानकारी बिउगु खः । लिसें संकलन जूगु हिया युनिटमध्ये स्वंगू लख […]

येँ -येँ महानगरपालिकां ‘मध्यम दूरीया यातायात संचालन सम्बन्धी अध्ययन कार्यदल’ गठन याःगु दु । येँ महानगरया आः नकतिनि च्वंगु ६५ क्वःगु कार्यपालिकाया बैठकं मध्यम दूरीया सवारी संचालन अध्ययनया निंतिं कार्यदल गठन याःगु खः । महानगर प्रमुख विद्यासुन्दर शाक्यया अध्यक्षताय् च्वंगु कार्यपालिकाया बैठकं उपप्रमुख हरिप्रभा खड्गी श्रेष्ठया संयोजकत्वय् न्याम्हेसिया कार्यदल गठन याःगु खः। पुलांगु बसपार्कयात उगु थासं चिइकाः […]

थिमि – बौद्धकालीन जातक बाखंया लिधंसाय् ‘अंगुलिमाल’ सकिपा निर्माण याइगु जूगु दु । फोएसजी प्रोडक्सन व एए स्टार मिडियाया मंकाः ब्यानरय् खय् भासं उगु संकिपा निर्माण यायेत्यंगु खः । थन जूगु छगू ज्याझ्वःया दथुइ संकिपा निर्माण यायेगु घोषणा यासें संकिपाया च्वमि व निर्माता दथुइ सम्झौता पती ल्हाःचिं तयेगु ज्या जूगु खः । थुगु संकिपा वइगु मोहनि व स्वन्तिया […]

येँ – नेपाल स्वयमसेवी रक्तदाता समाजं थीथी थासय् हिदान ज्याझ्वः यासें नेपाल रेडक्रस सोसाइटी रक्तसंचार सेवा दिवस हंगु दु । समाजं स्वनिगःया स्वंगुलिं सहरय् हिदान ज्याझ्वः यानाः केन्द्रया ५५ क्वःगु स्थापना दिवस हंगु खः । ‘नियमित हिदान स्वस्थ जुइगुया परिणाम’ धइगु मू नारा बियाः उगु हिदान ज्याझ्वः याःगु खः । समाजया ख्वप शाखाया ग्वसालय् जूगु हिदान ज्याझ्वलय् ख्वीनिम्हेसिनं […]