राष्ट्रिय

येँ – बागमती प्रदेशय् नेवाः भाय्यात नं सम्पर्क भाषाया मान्यता बीत इनाप याःगु दु । बागमती प्रदेशया न्हूम्ह मुख्यमन्त्री जुयादीम्ह अष्टलक्ष्मी शाक्ययात भिंतुना देछासें नेवाः पत्रकार राष्ट्रिय दबू येँ जिल्ला शाखापाखें थ्व माग न्ह्यब्वःगु खः । शनिवाः दबू येँ जिल्ला शाखापाखें मुख्यमन्त्री शाक्ययात ख्येँ सगं बियाः भिंतुना देछायेगु लिसें अभिनन्दन पौ लःल्हाःगु खः । थ्व […]

येँ -कोरोना भाइरस खनेदयेवं चीनया वुहानं नेपाली विद्यार्थीत उद्धार यानाहःबलय् तःधंगु अनियमितता जूगु खनेदुगु दु । नेपाली विद्यार्थीतय्त उद्धार यानाः झिंप्यन्हु क्वारेन्टाइनय् तःगु इलय् जक छम्ह विद्यार्थी बराबर ७ लाख १० हजार तका खर्च जूगु खनेदुगु खः । महालेखा परीक्षकया ५८ क्वःगु प्रतिवेदन कथं वंगु २०७६ फागुन ३ गते १८१ म्ह विद्यार्थीतय्त नेपाः हयाः क्वारेन्टाइनय् […]

कोभिड १९ नियन्त्रणया निंतिं सरकारं गठन यानातःगु निर्देशन समिति सीसीएमसीं स्मार्ट लकडाउन यायेगु तयारी यानाच्वंसां थुकिया अवधारणा कथं स्वनिगलय् लकडाउन यायेफइगु अवस्था मदु । येँ, यल व ख्वप जिल्लाया सिडिओतय्सं हे तुरुन्त लकडाउन मजुइगु खँ धाःगु दु । ख्वप जिल्लाया सिडिओ प्रेमप्रसाद भट्टराईनं बिबिसीलिसे खँ ल्हासें अर्थतन्त्र न्ह्याकातयेगु निंतिं नं तुरुन्त लकडाउन कडा यायेगु अवस्था […]

येँ – नेकपा एमाले तज्याःगु माधव नेपाल पुचः व जनता समाजवादी पार्टीं तज्याःगु महन्थ ठाकुर पुचलं थःपिनिगु पार्टीया नां हिउगु दु । एमाले तज्याःगु माधव नेपाल पुचलं थःगु पार्टीया नां नेकपा (एकीकृत समाजवादी) तयेगु प्रस्ताव याःगु दु । नेपाल पुचलं थ्व स्वयां न्ह्यः (एमाले समाजवादी) नां प्रस्ताव यानाः दल दर्ताया नितिं निवेदन बिउगु खः । […]

येँ -एमाले कुचा थलाः माधव नेपाल पुचलं न्हूगु पार्टी गठन यायेवं अध्यक्ष केपी ओलीं विरोध शुरु यानादीगु दु । वय्कलं माधव नेपालं थः अध्यक्ष जुइत हे जक पार्टी कुचाथःगु द्वपं बिसें नेपालयात पार्टीया निम्हम्ह अध्यक्ष दयेके धकाः धयां नं माने मजुसे मेगु पार्टी दयेकाः अध्यक्ष जूवंगु खँ कनादीगु दु । म्हिगः ख्वपय् जूगु छगू ज्याझ्वलय् न्ववासें अध्यक्ष […]

येँ -सापारु कुन्हु स्वनिगलय् जक यानातःगु बिदा आः देय्न्यंकंया नेवाः समुदाययात बीगु जूगु दु । थ्वहे वइगु भदौ ७ गते लाःगु सापारु (गाइजात्रा) कुन्हु आः देय्न्यंकं नेवाः समुदाययात बिदा बीगु निर्णय सरकारं याःगु खः । म्हिगः च्वंगु मन्त्रि–परिषद बैठकं थ्व निर्णय याःगु खः । सापारु कुन्हु स्वनिगलय् जक बिदा बीगु चलन यानातःगुली आः देय्न्यंकं हे बिदा बी माली […]