जबरा विरुद्ध नेपालयात ज्ञापन

येँ – नेपाल बार एसोसिएसनं प्रधानन्यायाधीश चोलेन्द्र शम्शेर जबरा बहिर्गमन जुइमाःगु धासें १७ बुँदे कारण सहितया ध्यानाकर्षण पौ एकीकृत समाजवादी पार्टीया अध्यक्ष माधव नेपालयात लःल्हाःगु दु । म्हिगः संसद सचिवालय बारं पूर्व प्रधानमन्त्री लिसें नेकपा एस संसदीय दलया नेता

नेपालयात नापलानाः ध्यानाकर्षण पौ लःल्हाःगु खः । म्हिगः बारया अध्यक्ष चण्डेश्वर श्रेष्ठ, उपाध्यक्ष रक्षा बस्याल, महासचिव लिलामणि पौडेल, वरिष्ठ अधिवक्तापिं कृष्णप्रसाद भण्डारी, बन्द्रीबहादुर कार्की, प्रेमबहादुर खड्का, रमन श्रेष्ठलिसे सर्वोच्च बार एसोसिएसनया अध्यक्ष पूर्णमान शाक्यपिं नाप लानाः प्रधानन्यायाधीश जबरायात महाभियोग तयेत इनाप यानादीगु खः ।

प्रधानन्यायाधीश जबरां अदालतय् भ्रष्टाचार याःगु, न्याय न्याये मीगु याःगु, न्यायालयया गरिमा कायम याये मफुगु धासें बारं आन्दोलन याना वयाच्वंगु खः ।