नेपाःया समाजबाद

थौं, गबले कि दु नेपाः छगुलिं
ईं व मुगः झन्दाया क्वय्
तर थबले हे फरफर ब्वैच्वन
आङ्सा निपु झन्दाया च्वय्

गन कि अहो ! थौं कन्नाचैपुक
समावेशिता सीगु खना
समताया गन न्ह्यानाच्वंगु
तुकुचा तक नं दीगु खना

गन कि हनं नं न्ह्याकल स्वस्वखं
छ्वासय् धौबजि नयगु प्रथा
सर्गः मदुगु फुसय् नं गय् ब्वल
ईं व मुगः ध्वाँय् छक्क जि चाः

नेपाः छगू व दे खः गन दु
छगू जातिया हैकमबाद
उगु हे खः हं अनया निम्तिं
दकलय् नःलिगु समाजबाद

गन कि गुगुं हे ख्वालय् मखना
ईं व मुगःया म्हगस किचः
ईं व मुगः बां ल्वीवं गय् धाय्
उगु ध्वाँय् ईं व मुगः हे खः

थुपिं थुपिं हे खः बरू जिं धाय्
ईं व मुगःया लप्पंख्याः
धुंकल जनतां कैतय् धुंकल
थुमिगु व अन्तिम तिथिया ल्याः

क्वँय् मदु मे थुलि न्याय्केफु थुमिसं
भाजं दुने उलि कःनि ममू
मनू स्याय्गुली थुलि माहिर कि
सुं बगरें नं थुमित मफु

सम्बन्धित बुखँ

LEAVE YOUR COMMENTS