पद्म यः जिमि यःम्ह न्ह्यलुवा
छंगु खः थौं जंक्वब्य !
जातिया उन्मुक्तिया लँय्
थौं थ्व दिन ज्वीमा तिबः !
भिंतुने न्हाप्पां उकिं हे स्वस्थ ज्वीमा पद्म छ !
त्रासया लँय् नं छ दय्वं
साहसं न्ह्याय् सैवल
न्ह्याःलिसें दिपया नली नं
आसया स्वां ह्वैवल
म्वाय्त ल्वाय्माः धैगु हे उगु सत्य सः खः पद्म छ !
भिंतुने न्हाप्पां उकिं हे स्वस्थ ज्वीमा पद्म छ !
छंगु व म्हुतुं गुगु म्हिगः ज्वल
®ाष्ट्रया हे क्रन्दन !
उगु जुगंजुगया व निर्दल
ब्यन निरकुश बन्धन
अज्ज नं हःपाः जुया वा वनेत नाप्पं वैब्यु छ !
भिंतुने न्हाप्पां उकिं हे स्वस्थ ज्वीमा पद्म छ !
जिमिके भ्रान्ति दु धैगु सीकाः
बिल उकिं हे मन्त्रणा––
“वर्गया पःखाः मथुंकं
जाति ज्वीमखु मुक्त न्हां !”
वा उकिं उगु आज्जु तकहे जिमिगु न्ह्यःन्ह्यः वैब्यु छ !
भिंतुने न्हाप्पां उकिं हे स्वस्थ ज्वीमा पद्म छ !
सुख धकाः छ भुले मजू न त
ग्याः धकाः हे सूवन
छं पलाः छिक्वं मह्वीगु पालिख्वाँय् हे जू वन ।
युद्ध आः निर्णायकय् थ्यन न्ह्यःने वा यः पद्म छ !
भिंतुने न्हाप्पां उकिं हे स्वस्थ ज्वीमा पद्म छ !
जनजनय् जब छंगु व पलाः
प्राण थें स्वच्चाःवन
देशया इतिहास पानाय्
छंगु अबले नां न्ह्यन
छंत अज्ज न्ह्यच्याय् मगाःनि वा छ यः जिमि गौ®व !
भिंतुने न्हाप्पां उकिं हे स्वस्थ ज्वीमा पद्म छ !
LEAVE YOUR COMMENTS