ने. सं. ११४६ चाैलाथ्व पुन्हि - ल्हुति पुन्हि / बालाजु बाइसधारा मेला

काठमाडौं व विराटनगर दथुया कासा स्थगित

येँ – एभरेस्ट प्रिमियर लिग (इपिएल)या सोमवाः काठमाडौं किंग्स इलेभेन व विराटनगर वारियर्स दथुया कासा स्थगित जूगु दु । कासा जुइगु थाय् त्रिभुवन विश्वविद्यालयया क्रिकेट मैदान वा वःगु कारणं प्याःगुलिं कासा स्थगित याःगु खः ।

कासा न्ह्याकेगु निंतिं क्वःछिनातःगु ई स्वयां निघौ तक पिउगु खःसां आउटफिल्ड प्यानाच्वंगु कारणं अम्पायरं कासा स्थगित यायेगु निर्णय याःगु खः । थ्व कासा पाकिस्तानया नांजाःम्ह कासामि शहीद अफ्रिदीं म्हितीगु दकलय् लिपांगु कासा खः । अफ्रिदी निगू कासा म्हितेगु निंतिं येँ वःम्ह खः । अफ्रिदीं थ्व सिजनय् निगू कासा जक म्हितेगु जूसां मेगु सिजनय् पूवंका कासा म्हितेगु निंतिं वयेगु खँ धाःगु दु । इपिएलय् काठमाडौं नं छगू कासा त्याकेधुंकूगु दुसा विराटनगर थःगु न्हापांगु कासाय् पराजित जूगु खः ।