हाकनं दकलय् हट

प्रियका चोपडायात हाकनं विश्वया हे ‘हट’ मिसाया रुपय् घोषणा याःगु दु । विश्व चर्चित पत्रिका ‘म्याक्सिम म्यागेजिनं’ बलिउड नायिका प्रियंकायात सन् २०१८ या हट मिसाया उपाधि बिउगु खः । लिसें प्रियंकाया किपा म्यागेजिनया ‘कभर पेज’ नं प्रकाशित याःगु दु ।
पत्रिकां थःगु फेसबुक पेजय् च्वःगु दु कि, ‘प्रियंका छम्ह अतिकं भाग्यशाली व प्रतिभाशाली जक मखसे व अतिकं बांलाः ।

थौंकन्हय् अमेरिकी गायक निक जोन्सलिसेया मतिना दु धइगु कारणं चर्चाय् वयाच्वंम्ह प्रियंका थुकथं हट मिसाया धलखय् लाःगु थ्व न्याक्वःखुसी खः । सन् २०१८ य् सछिम्हं मल्याक मिसातय् धलखय् प्रियंका न्हापांगु ल्याखय् वःगु खः । थुपिं निम्हं थौंकन्हय् भारतया थीथी थासय् चाः नं हिलाच्वंगु दु ।